
Святыя рэліквіі Еўфрасінні Полацкай у Віцебску: гісторыя і духоўнае значэнне
- Details
- Створана 02.06.2025 16:35
Уся ўвага праваслаўных хрысціян гэтымі днямі прыкавана да Полацка, дзе праходзяць урачыстасці з нагоды 900-годдзя Спаса-Еўфрасіннеўскага манастыра. Гэты ўнікальны праваслаўны манастыр быў заснаваны першай беларускай святой – прападобнай Еўфрасінняй Полацкай.
Духоўная спадчына нябеснай заступніцы Беларусі і яе шанаванне распаўсюдзіліся далёка за межы Полацка, ахопліваючы ўсю краіну і нават выходзячы за яе межы. Святая стала сімвалам веры, духоўнай чысціні і адданасці Богу для многіх пакаленняў вернікаў.
Адмысловае месца ў гісторыі ўшанавання святой Еўфрасінні Полацкай займае горад Віцебск. Тут непрацяглы час знаходзіліся мошчы прападобнай. Аднак варта прызнаць, што ў пэўны перыяд іх знаходжанне ў Віцебску было звязана не толькі з духоўнымі ўрачыстасцямі, але і з цяжкімі гістарычнымі падзеямі.
З новага матэрыялу «Святыя рэліквіі Ефрасінні Полацкай у Віцебску: гісторыя і духоўнае значэнне» можна даведацца мноства займальных фактаў. Напрыклад, як праходзілі віцебскія ўрачыстасці з нагоды перанясення мошчаў прападобнай у маі 1910 года? Якую святыню можна было ўбачыць у Свята-Мікалаеўскім саборы Віцебска? Дзе знаходзіліся мошчы асветніцы ў гады Вялікай Айчыннай вайны? І якой святыні, звязанай з імем Еўфрасінні Полацкай, можна пакланіцца ў абласным цэнтры сёння?
Гэтыя і многія іншыя звесткі аб нябеснай заступніцы Беларусі сабраны і размешчаны ў мультымедыйным рэсурсе «Святыя заступнікі Віцебшчыны» на сайце Віцебскай абласной бібліятэкі. У рамках праекта спадчына Еўфрасінні Полацкай раскрываецца праз разнастайныя формы, ствараючы жывую сувязь паміж мінулым і сучаснасцю.


































