
Урачыстае ўзнагароджанне ўдзельнікаў літаратурнага турніру «Кніжная перавага»
- Details
- Створана 23.09.2025 09:38
20 верасня ў бібліятэцы адбылася ўрачыстая цырымонія ўзнагароджання пераможцаў і ўдзельнікаў літаратурнага турніру «Кніжная перавага», арганізаванага аддзелам выданняў на замежных мовах у рамках праекта «Няхай кніга побач будзе».
На працягу ліпеня і жніўня школьнікі з гімназій і агульнаадукацыйных устаноў горада прадстаўлялі свае любімыя кнігі ў фармаце відэаролікаў, дэманструючы не толькі чытацкую цікавасць, але і творчы падыход, арыгінальнасць і шчырую любоў да літаратуры.
Па выніках конкурсу ўдзельнікі былі адзначаны дыпломамі і памятнымі прызамі.
Галоўную ўзнагароду турніру і прыз сімпатый гледачоў атрымала Марыя Ермашкевіч, якая стварыла мастацкі вобраз сучаснай Паліяны па матывах кнігі Элінор Портэр «Паліяна».
Дыплом I ступені быў уручаны Даніілу Даўгуну за відэасюжэт, прысвечаны філасофскай казцы Антуана дэ Сент-Экзюперы «Маленькі прынц».
Мілана Косціна ўдастоена дыплома II ступені за творчую работу аб кнігах серыі «Каты-Ваяўнікі» Эрын Хантэр – калектыўнага псеўданіма чатырох брытанскіх пісьменніц.
Дыплом ІІІ ступені атрымаў Ігнат Самуйлаў за відэапрэзентацыю кнігі беларускай пісьменніцы Наталлі Голубевай «Скарбы возера Ваал», заснаванай на міфах і легендах старажытнай Полацкай зямлі.
Завяршылася цырымонія святочнай музычнай застаўкай «Фанфары пераможцу», якая стала яркім акордам літаратурнага свята.
Турнір «Кніжная перавага» стаў не толькі конкурсам, але і натхняльнай падзеяй, якая аб'яднала юных чытачоў вакол кнігі, творчасці і шчырых эмоцый.


































