
Прэзентацыя выдавецкага праекта «Неизвестные страницы войны открывают депутаты белорусского парламента»
- Details
- Створана 24.09.2025 13:52
23 верасня ў бібліятэцы адбылася прэзентацыя выдавецкага праекта «Неизвестные страницы войны открывают депутаты белорусского парламента» з удзелам аўтара ідэі, дэпутата Палаты прадстаўнікоў Нацыянальнага сходу Рэспублікі Беларусь Ірыны Астапенка.
Кніга падрыхтавана і выдадзена па ініцыятыве членаў пярвічнай арганізацыі РГА «Белая Русь» Палаты прадстаўнікоў Нацыянальнага сходу Рэспублікі Беларусь да 80-годдзя Вялікай Перамогі. Прадстаўляючы кнігу, Ірына Астапенка падкрэсліла, як важна памятаць пра кожнага, хто зрабіў свой унёсак у перамогу над ворагам, памятаць пра ахвяр вайны. У кнізе сабраны гісторыі людзей – франтавікоў, партызан і падпольшчыкаў, малалетніх вязняў, гісторыі мясцін, звязаных з вайной. Нямала старонак прысвечана нашым землякам – ураджэнцам Віцебшчыны і людзям, што жылі тут у пасляваенныя гады. Удзельнікі сустрэчы – навучэнцы Віцебскага дзяржаўнага тэхнічнага каледжа, бібліятэкары, чытачы бібліятэкі, паглядзелі відэаролік, створаны па матэрыялах кнігі, і падзяліліся сваімі сямейнымі гісторыямі пра вайну, бо захаванне агульнай гісторыі пачынаецца з гісторыі сям'і.
Кнігу «Неизвестные страницы войны открывают депутаты белорусского парламента» Ірына Астапенка перадала ў фонд Віцебскай абласной бібліятэкі.


































