
XIV міжрэгіянальная навукова-практычная канферэнцыя «Смаляне на службе Айчыне»
- Details
- Створана 02.10.2025 12:11
XIV міжрэгіянальная навукова-практычная канферэнцыя «Смаляне на службе Айчыне» адбылася 29 верасня ў Смаленскай абласной універсальнай навуковай бібліятэцы імя А. Т. Твардоўскага.
Канферэнцыя аб'яднала даследчыкаў, краязнаўцаў, архівістаў, бібліятэкараў і прадстаўнікоў навуковай супольнасці, якія прысвяцілі свае выступленні ўкладу ўраджэнцаў Смаленшчыны ў абарону і развіццё роднага краю, прыгранічных тэрыторый і ўмацаванню культурных сувязей паміж рэгіёнамі.
У рамках пленарнага пасяджэння ў анлайн-фармаце выступіла Ларыса Рагачова, загадчык аддзела краязнаўства Віцебскай абласной бібліятэкі імя У. І. Леніна. Яе даклад быў прысвечаны Герою Савецкага Саюза Міхаілу Бекашонку, чыё пасляваеннае жыццё было цесна звязана з Віцебскам.
Ларыса Іванаўна прадставіла электронны рэсурс «Ад аперацыі "Сувораў" да аперацыі "Баграціён"», створаны пры інфармацыйнай падтрымцы калег са Смаленскай абласной універсальнай навуковай бібліятэкі. Праект аб'ядноўвае архіўныя матэрыялы, карты, дакументы і ўспаміны, дазваляючы прасачыць ход найбуйнейшых ваенных аперацый Вялікай Айчыннай вайны, якія праходзілі на тэрыторыі Беларусі і Смаленшчыны.


































