
Прафесійныя ўзнагароды для бібліятэкараў
- Details
- Створана 16.10.2025 15:47
З нагоды Дня работнікаў культуры супрацоўнікі Віцебскай абласной бібліятэкі адзначаны прафесійнымі ўзнагародамі.
Напярэдадні на ўрачыстым мерапрыемстве ў Віцебскім дзяржаўным каледжы культуры і мастацтваў намеснік дырэктара Вольга Камендантава была ўдастоена нагруднага знака Міністэрства культуры Рэспублікі Беларусь «За ўклад у развіццё культуры Беларусі».
Сёння намеснік начальніка упраўлення культуры Віцебскага абласнога выканаўчага камітэта Алег Агееў шчыра павіншаваў бібліятэкараў і ўручыў Ганаровыя граматы ўпраўлення культуры за шматгадовую добрасумленную працу.
За высокі прафесіяналізм, эфектыўнасць работы і ініцыятывы па аптымізацыі кадравых працэсаў ва ўстанове ўшанавана інспектар па кадрах Алена Далганава.
За значны асабісты ўклад у забеспячэнне даступнасці інфармацыйных рэсурсаў для карыстальнікаў бібліятэкі, далучэнне іх да найлепшых узораў беларускай і сусветнай кніжнай спадчыны ўзнагароджана бібліятэкар I катэгорыі аддзела абанемента Вольга Мікіцюк.
За значны асабісты ўклад у эстэтычнае выхаванне падрастаючага пакалення адзначана вядучы бібліятэкар аддзела літаратуры па мастацтве Марына Акуловіч.
За шматгадовую бездакорную працу, значны асабісты ўклад у агульны дабрабыт установы, ініцыятыўнасць у справе добраўпарадкавання памяшканняў і тэрыторыі ўшанавана прыбіральшчык памяшканняў гаспадарча-тэхнічнай службы Дзіна Іванова.
Віншуем нашых паважаных калег! Няхай гэтыя ўзнагароды будуць стымулам для далейшых прафесійных дасягненняў!


































