
Абласны вэбінар «Сельскія бібліятэкі: праблемы, вопыт, магчымасці»
- Details
- Створана 31.10.2025 13:56
Вэбінар «Сельскія бібліятэкі: праблемы, вопыт, магчымасці» для загадчыкаў і спецыялістаў сельскіх бібліятэк-філіялаў адбыўся 30 кастрычніка 2025 года ў Віцебскай абласной бібліятэцы імя У. І. Леніна.
У прывітальным слове да ўдзельнікаў намеснік дырэктара Вольга Камендантава падкрэсліла актуальнасць заяўленай тэмы, абазначыла ключавыя задачы і мэты сустрэчы.
З аглядам сучаснага стану сельскіх бібліятэк рэгіёну выступіла Таццяна Шакуціна, бібліятэкар 1 катэгорыі аддзела бібліятэказнаўства. Яе даклад уключаў аналіз бягучай сітуацыі і абазначэнне перспектыў развіцця.
Выступленне Галіны Благадзёравай, загадчыка філіяла «Асінторфская сельская бібліятэка-цэнтр экалагічнай асветы насельніцтва» ДУК «Дубровенская цэнтралізаваная бібліятэчная сістэма», было прысвечана вопыту па рэалізацыі мэтавай комплекснай праграмы «З любоўю да роднага краю».
З цікавымі краязнаўчымі праектамі для дзяцей і падлеткаў пазнаёміла калег Ірына Котава, бібліятэкар філіяла «Клясціцкая сельская бібліятэка» ДУК «Цэнтралізаваная бібліятэчная сістэма Расонскага раёна».
Пытанне краязнаўства як асновы патрыятычнага выхавання падрастаючага пакалення раскрыла Святлана Атрахімовіч, бібліятэкар 2 катэгорыі філіяла «Порплішчанская сельская бібліятэка» ДУК «Докшыцкая цэнтралізаваная бібліятэчная сістэма».
Загадчык Ветрынскай гарпасялковай бібліятэкі-філіяла № 2 ДУК «Полацкая раённая цэнтралізаваная бібліятэчная сістэма» Наталія Хома расказала аб праграмна-праектнай дзейнасці бібліятэкі.
Вэбінар атрымаўся плённым і насычаным. Удзельнікі абмяняліся досведам, абмеркавалі актуальныя пытанні і атрымалі мноства практычных ідэй, якія змогуць прымяніць у сваёй рабоце.


































