
Выстава дэкаратыўна-прыкладной творчасці
- Details
- Створана 17.11.2025 10:36
Выстава «Таленты шчырых сэрцаў» прадстаўляе ў раздзеле перыядычных выданняў дэкаратыўна-прыкладную творчасць людзей з інваліднасцю па зроку.
Бібліятэчны праект «Вместе» аб'яднаў унікальныя работы больш за пятнаццаць майстроў з Віцебска і Віцебскай вобласці. Экспазіцыя здзіўляе разнастайнасцю тэхнік дэкаратыўна-прыкладнога мастацтва: ад пляцення з папяровай лазы да роспісу па тканіне, ад вязання да алейнага жывапісу і вышыўкі крыжам. Кожная работа – гэта не проста выраб, а вынік карпатлівай працы, ўяўлення і бязмежнай веры ў сябе, прыклад стойкасці духу, імкнення да самарэалізацыі і веры ў тое, што мастацтва здольна пераадольваць любыя бар'еры.
Выстава дзейнічае да 6 снежня 2025 года.


































