
Творчасць і прафесіяналізм: метадычнае аб'яднанне настаўнікаў Першамайскага раёна
- Details
- Створана 09.02.2026 15:43
Семінар-практыкум вучэбна-метадычнага аб'яднання настаўнікаў мастацтва (айчынная і сусветная мастацкая культура) школ Першамайскага раёна г. Віцебска прайшоў у бібліятэцы 28 студзеня.
Асноўнай мэтай сустрэчы было ўдасканаленне прафесійных кампетэнцый педагогаў у пытаннях праектавання сучаснага ўрока. У цэнтры ўвагі ўдзельнікаў аказаліся інавацыйныя адукацыйныя тэхналогіі: выкарыстанне сучасных прыёмаў візуалізацыі навучальнага матэрыялу; укараненне актыўных і інтэрактыўных метадаў навучання; стварэнне ўмоў для мастацка-творчай самарэалізацыі навучэнцаў.
У рамках практычнай часткі бібліятэкары правялі для настаўнікаў падрабязную азнаямленчую экскурсію. Педагогам былі прадстаўлены праекты бібліятэкі і рэсурсы аддзела літаратуры па мастацтве, якія могуць стаць надзейнай базай для падрыхтоўкі якасных навучальных заняткаў і пазакласных мерапрыемстваў.
Семінар стаў пляцоўкай для канструктыўнага дыялогу, дазволіўшы ўдзельнікам абмяняцца досведам і папоўніць сваю метадычную скарбонку новымі ідэямі для работы ў сучасным адукацыйным працэсе.


































