
«Нябесныя абаронцы Айчыны»
- Details
- Створана 17.02.2026 08:55
Гадзіна праваслаўнай культуры «Нябесныя абаронцы Айчыны» адбылася ў абласной бібліятэцы 14 лютага для вучняў сярэдняй школы № 11 імя М. М. Бахціна.
Георгій Пабеданосец, Аляксандр Неўскі, Дзмітрый Данскі, Фёдар Ушакоў, як жывыя прыклады мужнасці і адданасці Богу, праславіліся пры жыцці сваёй адвагай, вернасцю і гатоўнасцю ахвяраваць сабой дзеля веры і Айчыны.
У час сустрэчы школьнікі пазнаёміліся з жыццём гэтых гістарычных асоб, чые ратныя і духоўныя подзвігі сталі сімваламі свайго часу і народнай памяці.
Пасля зямнога подзвігу яны застаюцца нябеснымі захавальнікамі для ўсіх хрысціян. Да іх звернуты нашы малітвы: аб абароне, аб умацаванні духу, аб дараванні перамогі і захаванні жыцця абаронцам Радзімы.
Падобныя мерапрыемствы дапамагаюць маладому пакаленню задумацца аб веры, праваслаўнай культуры і духоўных каштоўнасцях, усвядоміць значнасць паняццяў «Айчына», «любоў да роднай зямлі», «клопат пра блізкага». Гэта важны крок да выхавання павагі да гісторыі і духоўнай спадчыны нашага народа.


































