
«Верабейчык» – спектакль пра лёс і стойкасць: прэм'ера ў абласной бібліятэцы
- Details
- Створана 26.03.2026 13:26
Напярэдадні Міжнароднага дня тэатра абласная бібліятэка стала пляцоўкай для прэм'еры спектакля «Верабейчык», прадстаўленага аматарскім тэатральным калектывам «Светач». Гэта пастаноўка таленавітага рэжысёра Яўгена Клемята заснавана на вядомай п'есе Льва Праталіна.
Лёс Машы, былой студэнткі тэатральнага вучылішча, скалечаны таталітарным рэжымам. Вымушаны ад'езд з Масквы пасля арышту бацькі, выпадковы шлюб з рэжысёрам правінцыйнага тэатра, данос на мужа і, як следства, лагер – усё гэта Маша апавядае свайму даўняму аднагрупніку Грышы. Пастаноўка вылучаецца эмацыйным кантрастам, спалучаючы шчыры боль гераіні з бязлітаснай іроніяй, і даследуе стойкасць чалавечага духу.
Акцёры тэатра «Светач» здолелі перадаць увесь спектр пачуццяў і ўнутранай барацьбы гераіні. Натхнёнае і эмацыйнае выкананне артыстаў стварылі не толькі тэатральнае прадстаўленне, але і філасофскае разважанне аб далікатнасці і стойкасці чалавечага жыцця.
Гэты спектакль стаў значнай падзеяй у культурным жыцці Віцебска. «Верабейчык» выклікае жывы водгук і поўны сэнсавай глыбіні, вартай увагі кожнага знатака тэатральнага мастацтва.


































