
Расія – Беларусь: тры дзесяцігоддзі стварэння і адзінства
- Details
- Створана 03.04.2026 15:47
Пскоў і Віцебск пацвердзілі статуc стратэгічных партнёраў у рамках святкавання Дня яднання народаў Беларусі і Расіі. Адной з яркіх падзей святочнай праграмы стаў міжнародны тэлемост, які аб'яднаў экспертаў дзвюх краін.
Сёння адносіны Пскова і Віцебска выходзяць далёка за рамкі звычайнага добрасуседства. Гэта глыбокая інтэграцыя, падмацаваная статусам гарадоў-пабрацімаў і дзесяцігоддзямі агульнай гісторыі. У рамках дзеючага Пагаднення паміж Віцебскай абласной бібліятэкай імя У. І. Леніна і Пскоўскай абласной універсальнай навуковай бібліятэкай імя В. Я. Курбатава адбылася анлайн-сустрэча «Расія–Беларусь: 30 гадоў адзінства», якая стала пляцоўкай для канструктыўнага дыялогу.
Праграма анлайн-сустрэчы ахапіла ўвесь спектр саюзнага ўзаемадзеяння: удзельнікі абмеркавалі развіццё гандлёва-эканамічных сувязей, прапанавалі лепшыя адукацыйныя праекты і практыкі, падкрэслілі ролю бібліятэк ва ўмацаванні міжнацыянальнага дыялогу.
Асаблівую значнасць і прафесійную глыбіню сустрэчы дадалі выступленні нашых партнёраў Андрэя Разноўскага, намесніка генеральнага дырэктара па знешнеэканамічнай дзейнасці Віцебскага аддзялення Беларускай гандлёва-прамысловай палаты, Вольгі Разноўскай, дырэктара сярэдняй школы № 29 імя В. В. Піменава, і Алены Сабіравай, старшыні Віцебскай абласной Беларускага прафесійнага саюза работнікаў культуры, спорту і турызму.
Сустрэча пацвердзіла зацікаўленасць Віцебска і Пскова ў рэалізацыі культурных і дзелавых ініцыятыў для ўмацавання адзінства і развіцця Саюзнай дзяржавы.


































