
Моўная спадчына: у бібліятэцы прэзентавалі «Лексічны атлас беларускіх народных гаворак»
- Details
- Створана 22.04.2026 10:20
Прэзентацыя выдання «Лексічны атлас беларускіх народных гаворак. Аналітычныя даведачна-інфармацыйныя матэрыялы» адбылася 16 красавіка ў абласной бібліятэцы.
Дырэктар Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі Ігар Капылоў падзяліўся гісторыяй стварэння атласа, над якім вучоныя працавалі на працягу многіх гадоў.
Ігар Лявонавіч падрабязна расказаў, як па крупінках збіраліся матэрыялы ў фальклорных экспедыцыях; у чым унікальнасць лексікі, зафіксаванай у выданні; чаму гэтыя матэрыялы стануць «настольнай кнігай» для сучасных даследчыкаў і філолагаў.
Прыемным завяршэннем сустрэчы стала ўрачыстая перадача тамоў атласа ў дар навучальным установам горада. Новыя экзэмпляры папоўняць бібліятэкі гімназіі № 2, гімназіі № 3 імя А. С. Пушкіна і гімназіі № 7 імя П. Я. Кандраценкі. Цяпер у навучэнцаў і настаўнікаў будзе яшчэ больш магчымасцей для вывучэння багатай моўнай спадчыны Беларусі.


































