
Міжраённая расійска-беларуская краязнаўчая канферэнцыя «Старонкі агульнай гісторыі: дарогамі подзвігу і памяці»
- Details
- Створана 11.05.2026 13:27
Міжраённая расійска-беларуская краязнаўчая канферэнцыя «Старонкі агульнай гісторыі: дарогамі подзвігу і памяці», прымеркаваная да Дня Перамогі, адбылася 6 мая ў г. Мёры.
Арганізатарам канферэнцыі выступіла Міёрская цэнтральная раённая бібліятэка. З прывітальным словам да ўдзельнікаў канферэнцыі звярнуліся старшыня Міёрскага раённага Савета дэпутатаў Валерый Драба і дырэктар Міёрскай цэнтральнай раённай бібліятэкі Таццяна Цыцыліна.
У канферэнцыі з дакладам «Гістарычная памяць як аснова будучыні. Тэма Вялікай Айчыннай вайны ў электронных рэсурсах Віцебскай абласной бібліятэкі» прыняла ўдзел загадчык аддзела краязнаўства Ларыса Рагачова. Выступленні намесніка дырэктара Міёрскай цэнтральнай раённай бібліятэкі Анастасіі Драба, бібліёграфа Верхнядзвінскай цэнтральнай раённай бібліятэкі Ніны Глацёнак, дырэктара Шаркаўшчынскай цэнтральнай раённай бібліятэкі Таццяны Райчонак былі прысвечаны гераічным і трагічным старонкам гісторыі роднага краю ў гады Вялікай Айчыннай вайны, краязнаўчай рабоце бібліятэк як аснове патрыятычнага выхавання.
У анлайн-фармаце пра подзвігі сваіх землякоў, цяжкія гады акупацыі расказалі прадстаўнікі Расійскай Федэрацыі: Апочацкай цэнтральнай раённай бібліятэкі імя А. С. Пушкіна (Пскоўская вобласць), Аленінскай цэнтральнай раённай бібліятэкі (Цвярская вобласць), Падпарожскай цэнтральнай раённай бібліятэкі (Ленінградская вобласць).


































