
Адзіны дзень інфармавання «Традыцыйныя каштоўнасці беларусаў: сям'я, грамадства, дзяржава»
- Details
- Створана 15.10.2026 12:45
Пра значнасць сям'і і традыцыйных сямейных каштоўнасцяў як пра падмурак дэмаграфічнага дабрабыту, стабільнасці і ўстойлівага развіцця любой дзяржавы гаварылі 15 кастрычніка ў абласной бібліятэцы.
У рамках адзінага дня інфармавання «Традыцыйныя каштоўнасці беларусаў: сям'я, грамадства, дзяржава» намеснік начальніка аддзела ЗАГС Віцебскага гарадскога выканаўчага камітэта Ганна Шпац адзначыла ключавыя прыярытэты Праграмы сацыяльна-эканамічнага развіцця Рэспублікі Беларусь на 2026–2030 гады, накіраваныя на захаванне насельніцтва, умацаванне здароўя нацыі і падтрымку сям'і.
Старшыня Віцебскай абласной арганізацыі Беларускага прафсаюза работнікаў культуры, інфармацыі, спорту і турызму Алена Сабірава адзначыла, што адным з ключавых напрамкаў захавання здароўя членаў арганізацыі з'яўляецца аздараўленне ў ведамасных санаторыях і ўдзел у спартыўна-масавых мерапрыемствах.
Бібліятэкар аддзела прававой інфармацыі і электронных рэсурсаў Ларыса Гузава прадставіла інфармацыйны дайджэст «Прававыя асновы рэгулявання працы жанчын: працоўныя адносіны, гарантыі і льготы», які разглядае меры прававой абароны жанчын у сферах працоўнага права, сацыяльнай абароны і аховы здароўя. У аснову дайджэсту леглі як друкаваныя, так і электронныя выданні: нарматыўныя акты, навуковыя артыкулы і практычныя дапаможнікі, якія былі прадэманстраваны на кніжнай экспазіцыі.
Намеснік дырэктара Вольга Камендантава расказала пра праекты Віцебскай абласной бібліятэкі па папулярызацыі сямейных каштоўнасцей, якія знаходзяць вялікі водгук у чытачоў і ствараюць неабходныя ўмовы для ўмацавання і развіцця нашай дзяржавы.


































