
Мастацкая выстава Рыгора Фядзькова
- Details
- Створана 04.02.2008 06:59
4 лютага у фае Віцебскай абласной бібліятэкі адбылося адкрыццё мастацкай выставы Рыгора Фядзькова, дацэнта кафедры выяўленчага мастацтва УА “Віцебскі дзяржаўны універсітэт імя П.М. Машэрава”, кандыдата педагагічных навук.

Рыгор Сяргеевіч з’яўляецца ўдзельнікам рэспубліканскіх, абласных, гарадскіх мастацкіх выстаў, аўтарам пяці асабістых выстаў. На вернісажы прадстаўлена 15 карцін, у асноўным пейзажы. Сваё успрыманне свету, аб тым, што хвалюе душу, Рыгор Фядзькоў расказвае не толькі праз выяўленчыя работы, а і праз паэтычныя радкі. Яго вершы друкаваліся ў абласным друку. Адкрыццё выставы падрыхтавана аддзелам літаратуры па мастацтву.
Запрашаем усіх жадаючых на выставу Рыгора Фядзькова. Выстава будзе працаваць на працягу месяца.



































