
Візіт дэлегацыі Інстытута імя Гётэ
- Details
- Створана 02.12.2011 13:29
30 лістапада – 1 снежня Віцебск наведала дэлегацыя Інстытута імя Гётэ ў Мінску на чале з дырэктарам Франкам Баўманам. Мэтай візіта стала знаёмства з работай адзінай у Беларусі нямецкай чытальнай залы, якая функцыянуе ў Віцебскай абласной бібліятэцы імя У. І. Леніна, па папулярызацыі нямецкай мовы і ўмацаванні міжнароднага супрацоўніцтва ў сферы культуры. На сустрэчы з удзелам намесніка начальніка ўпраўлення культуры Віцебскага аблвыканкама Л. К. Аленскай, дырэктара абласной бібліятэкі А. І. Сёмкіна, супрацоўнікаў нямецкай чытальнай залы былі выказаны прапановы і вызначаны далейшыя перспектывы партнёрства.
У праграму рабочага візіта ўвайшлі сустрэча з кіраўнікамі, супрацоўнікамі і студэнтамі Віцебскага дзяржаўнага ўніверсітэта імя П. М. Машэрава, а таксама ўстановамі культуры г. Віцебска. Госці наведалі Свята-Успенскі кафедральны сабор, Цэнтр сучаснага мастацтва, Дом-музей і Арт-цэнтр М. Шагала.


































