
Сустрэча з аматарамі нямецкай паэзіі
- Details
- Створана 21.03.2011 13:21
21 сакавіка ў сектары замежнай літаратуры і нямецкай чытальнай зале ў рамках літаратурнай гасцёўні абылася сустрэча з аматарамі нямецкай паэзіі.
Гісторыя Сусветнага дня паэзіі пачалася ў 1999 годзе, калі на 30-й сесіі генеральнай канферэнцыі ЮНЕСКА было вырашана штогод святкаваць гэты дзень 21 сакавіка. Першы Сусветны дзень паэзіі прайшоў у Парыжы, у штаб-кватэры ЮНЕСКА. Тут былі закладзены традыцыі: праводзіць курсы лекцый аб паэтычным мастацтве, выдавецтвы пачалі арганізоўваць прэзентацыі кніг, бібліятэкі – праводзіць аўтарскія чытанні.
У рамках святкавання Сусветнага дня паэзіі ў сектары замежнай літаратуры адбылася сустрэча з віцебскім паэтам, празаікам і перакладчыкам У. А. Папковічам.
Уладзімір Антонавіч з першых паэтычных радкоў зачараваў слухачоў сваёй адметнай энергетыкай, акунуў іх у цудоўны свет класічнай нямецкай паэзіі.
На сустрэчы гучалі вершы на беларускай мове, пераклады беларускіх твораў на нямецкую мову, гумарыстычныя вершы, напісаныя ў розны час.





































