
Вачыма сяброў
- Details
- Створана 26.10.2010 10:39
Успаміны пра У. С. Караткевіча – гэта як тое жывое людское рэха, што адбіваецца не ад глухой халоднай сцяны, а ідзе ад жывой душы і трапяткога сэрца.
Успаміны аб асаблівых сустрэчах, размовах з ім высвечваюць невядомыя старонкі яго жыцця, творчыя памкненні, надаюць асобе Караткевіча іншы ракурс. Кожны, хто быў з ім, бачыў яго, адчуваў, што жыццё пісьменніка і яго творчасць – непадзельнае цэлае. Тое, што ён прапаведаваў у сваёй творчасці, тое ён спавядаў і ў сваім жыцці. Уладзімір Сямёнавіч умеў і любіў сябраваць. Ён высякаў іскры са свайго сэрца і запальваў іншых. Прыцягальная сіла яго жыццёвай энергіі зараджала навакольных аптымізмам. Незвычайная эрудзіраванасць і прыродная шляхетнасць заўсёды рабілі яго цэнтрам увагі любой кампаніі. Нягледзячы на абставіны, Караткевіч імкнуўся дапамагчы блізкім і знаёмым. У любы момант, на другім баку Зямлі… Яго душа была адкрыта для ўсіх.
Чарговая выстава пад назвай “Вачыма сяброў” з цыкла “Пад чароўным ветразем стагоддзяў”, прысвечанага 80-годдзю з дня нараджэння У.С. Караткевіча, складзена з успамінаў усіх тых, хто добра ведаў пісьменніка, вучыўся ў Кіеўскім універсітэце побач з ім, знаходзіўся пад уплывам яго асобы. Запісы Наталлі Сямёнаўны Кучкоўскай, роднай сястры Караткевіча, уводзяць чытачоў у пару дзяцінства славутага брата, яго юнацкага сталення. Матэрыялы экспазіцыі дапамогуць па-іншаму ўбачыць Караткевіча як Чалавека, даведацца пра малавядомае ў яго лёсе і жыцці.
ЛІТАРАТУРА
1. Барадулін, Р. І коскі з месца не зрушу… / Рыгор Барадулін // Беларускі гістарычны часопіс. – 2005. - № 11. – С. 8-10.
2. Васілевіч, А. Позні званок / Алена Васілевіч; фота Вячаслава Дубінкі // Беларусь. – 1988. - № 5. – С. 16-17.
3. Верабей, А. Зачараваны мастацтвам і любоўю / Анатоль Верабей // Маладосць. – 2007. - № 9. – С. 128-129.
4. Герасимова, В. Дядя Володя / Валерия Герасимова // Беларускі час. – 2005. – 9-16 декабря. – С. 17.
5. Годна, з любасцю // Ліс, А. Цяжкая дарога свабоды : артыкулы, эцюды, партрэты / Арсень Ліс. – Мн. : Маст. літ., 1994. – 420 с. : іл.
6. Драчоў, П. Апошняя вандроўка Уладзіміра Караткевіча / Пётр Драчоў; запісаў Барыс Крэпак // Культура. – 1995. – 15-21 лістапада. – С. 4-5.
7. Ждановіч, В. Белы човен / Валянцін Ждановіч // Маладосць. – 1990. - № 11. – С. 52-77.
8. Казак, Н. “Для мяне ён проста Валодзя…” / Нэлі Казак // Голас Радзімы. – 2000. – 5 студзеня. – С. 5.
9. Крыгман, Л. На пачатку пачаткаў / Леанід Крыгман; гутарыў Навум Цыпіс // Культура. – 2003. – 4-10 студзеня. – С. 6.
10. Кучкоўская, Н. “Для мяне ён проста Валодзя…” / Наталля Кучкоўская; запісала Наталля Баравуля // Пачатковая школа. – 2000. - № 11. – С. 35-36.
11. Мальдис, А. Житие и вознесение Владимира Короткевича : из воспоминаний / Адам Мальдис; пер. с бел. Олега Ждана // Всемирная литература. – 2005. - № 5. – С. 185-201.
12. Марачкін, А. “Не загіне ні слова, ні справа…” / Аляксей Марачкін // Вобраз-89 : літаратурна-крытычныя артыкулы / склад. С. Лаўшук; рэдкал.: Н. Пашкевіч (гал. рэд.) [і інш.]. – Мн. : Маст. літ., 1989. – С. 254-264.
13. Міхасёнак, В. Сустрэчы з Караткевічам / Вячаслаў Міхасёнак // Літаратура і мастацтва. – 2003. – 17 студзеня. – С. 15.
14. Мой Караткевіч // Бутэвіч, А.І Пад небам беларускага слова : пра пісьменнікаў, літаратуру і не толькі / Анатоль Бутэвіч. – Мінск : Беларус. навука, 2007. – С. 49-54.
15. Сінькевіч, В. “Я быў з Караткевічам у апошнія імгненні яго жыцця” / Васіль Сінькевіч // Голас Радзімы. – 2000. – 5 красавіка. – С. 4-5.
16. Сняжко, М. “Подых юні ўходзячай маёй…” / Муза Сняжко; гутарыла Галіна Шаблінская // Голас Радзімы. – 1999. – 11 лютага. – С. 6. – Заканчэнне. Пачатак №№ 48-52, 1998 г.; №№ 1-5, 1999 г.
17. Уладзімір Караткевіч і яго творчасць у еўрапейскім культурным кантэксце : навук. збор. / рэдкал. : А. Мальдзіс (гал. рэд.) [і інш.]. – Мн. : Беларускі кнігазбор, 2000. – 272 с. – (Беларусіка=Albaruthenica; Кн. 16).
18. Уладзімір Караткевіч. Быў. Ёсць. Буду! : успаміны, інтэрв’ю, эсэ / уклад. Г. Шаблінскай. – Мн. : Маст. літ., 2005. – 518 с. : іл. – (Жыццё знакамітых людзей Беларусі).
19. Цвяткоў, Ю. Пякучае сонца легенды : кіно Уладзіміра Караткевіча – III / Юрый Цвяткоў // Культура. – 2008. – 3-9 мая. – С. 15.
20. Цвяткоў, Ю. Рамантык, які не паступіўся і коскай : кіно Уладзіміра Караткевіча / Юрый Цвяткоў // Культура. – 2008. – 19-25 красавіка. – С. 15.
21. Цвяткоў, Ю. Чырвоны агат вандровак : кіно Уладзіміра Караткевіча – II / Юрый Цвяткоў // Культура. – 2008. – 26 красавіка-2 мая. – С. 23.
22. Цыпіс, Н. Па той бок часу / Навум Цыпіс; пер. з рус. М. Міхайлава // Полымя. – 2006. - № 11. – С. 196-203.



































