
Адкрыццё персанальнай выставы мастака У. М. Вальнова «Посвящение матерям»
- Details
- Створана 25.03.2013 14:14
20 сакавіка ў абласной бібліятэцы адбылося адкрыццё персанальнай выставы члена Саюза мастакоў Беларусі Уладзіміра Мікалаевіча Вальнова «Посвящение матерям». «Данную выставку посвящаю матерям, испытавшим неимоверные тяготы военного и послевоенного времени», – так пазначыў канцэпцыю выставы сам мастак.
На вернісажы прадстаўлена 9 работ. У цэнтры экспазіцыі – інсталяцыя «Матерям войны посвящаю». У адкрыцці выставы прынялі ўдзел актрысы Нацыянальнага акадэмічнага драматычнага тэатра імя Я. Коласа Святлана Жукоўская, Раіса Грыбовіч, якія выканалі кранальныя песні пра маці. Вядучая актрыса тэатра Людміла Заграбельная выступіла ў ролі журботнай маці. Прафесар кафедры агульнай гісторыі і сусветнай культуры УА «ВДУ імя П. М. Машэрава», доктар мастацтвазнаўства Т. В. Катовіч у сваім выступленні сказала пра тое, як мастак тонка і пранізліва прадставіў у сваёй інсталяцыі тэму жанчыны і вайны, яе трагедыю і боль.
Уладзімір Мікалаевіч падараваў бібліятэцы некалькі альбомаў жывапісу, а прысутныя на адкрыцці жанчыны атрымалі магчымасць прыняць удзел у бясплатнай латарэі, у якой разыгрываліся 15 работ мастака.
На адкрыцці выставы панавала атмасфера духоўнага яднання і асабістага дачынення.


































