Ансамбль народнай беларускай песні «Маладзіца». Пастаўскі раён, в. Навасёлкі

Подробности

Створана 12.11.2018 12:23

Адноўлена 28.02.2019 13:19

Ансамбль беларускай песні «Маладзіца» быў створаны ў 1998 годзе на базе Навасёлкаўскай музычнай школы (зараз Навасёлкаўскі філіял Варапаеўскай дзіцячай школы мастацтваў). У склад ансамбля ўваходзяць настаўнікі Навасёлкаўскага філіяла – сем удзельніц. Інструментальная група складаецца з клавішнага інструмента і баяна.

Галоўны накірунак творчай дзейнасці калектыву – прапаганда беларускай народнай песні. У рэпертуары ансамбля – беларускія народныя песні, народныя песні ў сучаснай апрацоўцы, аўтарскія песні. Словы да многіх песень, а таксама да канцэртных праграм піша ўдзельніца ансамбля Ірына Шчасная.

У 2002 г. ансамблю было прысвоена званне «Народны самадзейны калектыў».

Калектыў не толькі ўдзельнічае ў шматлікіх гарадскіх і раённых мерапрыемствах, але і выязджае з канцэртамі ў абласны цэнтр, у Латвію.

Мастацкі кіраўнік – Алена Салавей.

ЛІТАРАТУРА

1. Ансамбль белорусской песни «Маладзіца» учителей Новосёлковского филиала Воропаевской детской школы искусств // Культурная палитра Поставщины / авт.-сост. Л. Четович. – Поставы : Поставская типография, [20--?]. – С. 38.

2. Пашкевіч, Т. З фестывалю – з узнагародамі / Т. Пашкевіч // Витебские вести. – 2018. – 3 апр. – С. 8.

3. Салавей, А. Перспектыўная «Маладзiца» / А. Салавей // Пастаўскі край. – 2000. – 14 чэрв. – С. 2.

4. Шапавалава, А. Зачаравала «Маладзіца» / А. Шапавалава // Пастаўскі край. – 2018. – 31 сак. – С. 2.