Ансамбль народнай песні «Сваякі». Лёзненскі раён, аг. Дабрамыслі

Подробности

Створана 12.12.2019 12:23

Адноўлена 12.12.2019 10:01

Ансамбль народнай песні «Сваякі» быў створаны ў 1998 годзе пры Доме культуры аг. Дабрамыслі. 

Першымі яго ўдзельнікамі былі Вольга Грышчанка, Алена Новікава, Мікалай Васільчыкаў, Іван Казлоў, Аляксей Агееў.

З першых выступленняў гледачам прыйшліся па душы вясёлыя песні новага калектыву. Ішоў час, прыходзілі новыя ўдзельнікі, песні гучалі яшчэ больш упэўнена і прыгожа.

Геаграфія выступленняў «Сваякоў» даволі шырокая. Гэта ўсё дамы культуры і клубы Лёзненскага раёна, а таксама такіх гарадоў як Дуброўна, Сянно, Орша, Полацк, Гарадок, Віцебск і нават Мінск. Удзельнікі ансамбля пабывалі з канцэртамі ў Расійскай Федэрацыі ў Рудні, Дзямідаве, Веліжы, Ельні. І дзе б яны ні выступалі – гледачы цёпла і сардэчна віталі дабрамысленскіх артыстаў.

Шматлікія граматы і дыпломы пацвярджаюць, што «Сваякі» запатрабаваны і любімы гледачамі. У калектыве ёсць і дуэты, і трыо, ёсць і салісты, а таксама група «Мужыкі». Усё гэта робіць выступленні ансамбля разнастайнымі.

Кіраўніком ансамбля з'яўляецца Аляксей Міхайлавіч Агееў.

ЛІТАРАТУРА

1. Ретнёва, Е. 20 лет поют на радость людям / Е. Ретнёва // Сцяг Перамогі (Лёзна). – 2018. – 23 сак. – С. 5.