Клуб народны нацыянальнай кухні «Груца». Шаркаўшчынскі раён, аг. Радзюкі

Подробности

Створана 12.11.2018 12:23

Адноўлена 12.03.2020 11:02

Народны клуб нацыянальнай кухні «Груца» быў створаны на базе Радзюкоўскага сельскага Дома культуры 1 снежня 1997 года.

Галоўная мэта клуба – захаваць традыцыі беларускай кухні, характэрныя для Шаркаўшчынскага раёна, данесці да сучаснікаў адметнасць і непаўторны каларыт старадаўніх мясцовых страў, разбудзіць цікавасць землякоў да здаровага харчавання, якое пераважала ў сялянскім побыце нашых продкаў.

Назва клуба паходзіць ад назвы стравы «Груца», якую калісьці гатавалі ў Радзюках і навакольных вёсках.

Упершыню стравы па старадаўніх рэцэптах клуб нацыянальнай кухні прадставіў на раённым свяце «Прыдзісненскія крыніцы» ў 1998 годзе. З праграмай «Смачна гатуем – гасцей пачастуем» выступілі на раённым заключным аглядзе-конкурсе калектываў мастацкай самадзейнасці ў рамках першага фестывалю «Беларусь – мая песня» (1998). У Дзень Рэспублікі на «Беларускім панадворку» ў Мінску (1998) апранутыя ў беларускія касцюмы ўдзельнікі калектыву частавалі камамі, дранікамі, груцай і іншымі стравамі жыхароў і гасцей сталіцы.

У аматарскае аб'яднанне ўваходзяць больш за 6 чалавек рознага ўзросту і розных прафесій. Кіруе клубам Альдона Генрыхаўна Папко. Удзельнікі аб'яднання актыўна прапагандуюць старадаўнія рэцэпты смачнай і здаровай ежы, складаюць летапіс клуба, збіраюць фотаматэрыялы. Сістэматычна папаўняецца фотаальбом, буклет «Радзюкоўская "Груца" і іншыя прысмакі».

Калектыў удзельнічае ў разнастайных святах і фестывалях, якія праходзяць у Шаркаўшчынскім раёне.

Клуб аматараў кухні займаецца навукова-даследчай працай. Ідзе пошук, выяўленне рэдкіх старадаўніх рэгіянальных рэцэптаў прыгатавання страў. Створаны своеасаблівы фонд клуба.

ЛІТАРАТУРА

1. Берникович, Д. Клуб, где готовят «по-домашнему» / Д. Берникович // Народнае слова. – 2012. – 3 студз. – С. 7.

2. Кляшчук, А. Самы час есці груцу / А. Кляшчук // Звязда. – 2013. – 3 крас. – С. 6.

3. Мінкевіч, Л. А на закуску – скварачку / Л. Мінкевіч // Народная газета. – 2011. – 11 кастр. – С. 1, 8.

4. Райчонак, С. Найсмачнейшыя бліны – у радзюкоўскай «Груцы» / С. Райчонак // Кліч Радзімы (Шаркаўшчына). – 2017. – 15 ліп. – С. 3.

5. Сосна, К. «Груца» жадае прыемнага апетыту / К. Сосна // Віцьбічы = Витьбичи. – 2009. – 2 июля. – С. ХІV.

6. Сосна, К. Смачна есці, або «Груца» дэманструе майстар-клас / К. Сосна // Кліч Радзімы (Шаркаўшчына). – 2009. – 15 ліп. – С. 3.

7. Традиции неподвластны времени / подгот. Д. Берникович // Витебские вести. – 2017. – 21 марта. – С. 4–5.

8. Шпакоўская, Г. Груца з панцаку, катлеты з бобу / Г. Шпакоўская // Народнае слова. – 2007. – 10 сак. – С. 16.

9. Эксперимент на кухне / подгот. Д. Берникович // Витебские вести. – 2017. – 21 марта. – С. 5.

10. Якубёнак, Л. У. Радзюкоўская «Груца» / Л. У. Якубёнак // Памяць: Шаркаўшчынскі раён : гісторыка-дакументальныя хронікі гарадоў і раёнаў Беларусі / рэдкал.: Л. М. Драбовіч [і інш.] ; уклад. Л. М. Лабачэўская ; мастак Э. Э. Жакевіч. – Мінск : Белта, 2004. – С. 457–458.