Клуб народны ветэранаў працы «Ветэран». Ушацкі раён, г. п. Ушачы

Подробности

Створана 12.05.2020 12:23

Адноўлена 12.05.2020 10:55

Народны клуб ветэранаў працы «Ветэран» створаны пры Ушацкім раённым Доме культуры ў 1984 годзе. У красавіку 1995 года атрымаў званне «народны аматарскі калектыў», якое чарговы раз пацвердзіў у сакавіку 2019 года. Зараз базавай установай клуба з'яўляецца ДУК «Ушацкі раённы Цэнтр культуры і народнай творчасці». У народным клубе «Ветэран» 32 удзельнікі. Асноўны накірунак дзейнасці – творчы (харавыя спевы і актыўны адпачынак).

Удзельнікі клуба арганізуюць сустрэчы з цікавымі людзьмі – пісьменнікамі, паэтамі, мастакамі, арганізуюць экскурсіі па цікавых мясцінах Беларусі. Плённа працуе клуб па патрыятычным выхаванні падрастаючага пакалення. Штоквартальна праводзяцца сустрэчы, «гадзіны мужнасці», вечары-памяці, літаратурна-музычныя кампазіцыі з удзелам школьнікаў і моладзі.

Пры народным клубе «Ветэран» створаны хор, у рэпертуары якога больш за 120 патрыятычных, лірычных, беларускіх і рускіх народных песень. Разам з песнямі вядомых савецкіх кампазітараў выконваюцца аўтарскія песні паэтаў і кампазітараў Ушаччыны. Хор клуба «Ветэран» – пастаянны ўдзельнік раённых мерапрыемстваў, абласнога свята народнай творчасці ветэранскіх калектываў «Не старэюць душой ветэраны».

У 2019 годзе адбылося 15 пасяджэнняў Савета народнага клуба і ўдзельнікаў калектыву. Праведзена 18 мерапрыемстваў, падрыхтавана 11 канцэртаў. Знакавай падзеяй стала юбілейнае мерапрыемства «Мелодыі душы», падчас якога хор народнага клуба адзначыў сваё 35-годдзе.

Народны клуб «Ветэран» узнагароджаны Ганаровай граматай Ушацкага раённага Савета дэпутатаў за значны ўклад у развіццё культурнага патэнцыялу Ушацкага раёна, высокія творчыя дасягненні, актыўны ўдзел у культурна-масавых мерапрыемствах.

Кіраўнік клуба – Клімава Іна Сяргееўна, акампаніятар хору – піяністка В. Э. Кароткая. Канцэртмайстар – Канстанцінаў Юрый Аляксандравіч.

ЛІТАРАТУРА

1. Варатынская, Г. Песні жыцця / Г. Варатынская // Патрыёт (Ушачы). – 2004. – 6 лістап. – С. 2.

2. Варатынская, Г. У іх лясах была вайна / Г. Варатынская // Патрыёт (Ушачы). – 1994. – 28 чэрв. – С. 2.

3. Караленка, В. «Ветэрану» – 35, ці Рэпетыцыя адбудзецца пры любым саставе / В. Караленка // Патрыёт (Ушачы). – 2019. – 27 лістап. – С. 1, 4

4. Кірпіч, М. М. Народны калектыў «Ветэран» / М. М. Кірпіч // Памяць: Ушацкі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў [і інш.] ; уклад. М. М. Кірпіч ; мастак Э. Э. Жакевіч. – Мінск : Белта, 2003. – С. 570–571.

5. Ляшук, С. Девиз один на всех / С. Ляшук // Витебские вести. – 2015. – 17 сент. – С. 24.

6. Пашкович, Е. «Нам года – не беда, коль душа молода» / Е. Пашкович // Патрыёт (Ушачы). – 2009. – 7 кастр. – С. 2.

7. Спявайце доўга яшчэ // Віцебскі рабочы. – 1995. – 2 снеж. – С. 7.

8. Шпаковская, Г. Песни от души / Г. Шпаковская // Витебские вести. – 2019. – 7 дек. – С. 12.

9. Яшчэ адзін народны // Віцебскі рабочы. – 1995. – 3 чэрв. – С. 1.