Калектыў узорны тэатральны «Прэм’ера». Шумілінскі раён, аг. Башні

Подробности

Створана 30.06.2020 12:23

Адноўлена 23.06.2020 10:54

Тэатральны калектыў «Прэм'ера» пачаў сваю дзейнасць у 2001 годзе на базе Башнёўскага сельскага клуба. У ім займаюцца дзеці рознага ўзросту. Яны знаёмяцца з тэорыяй і практыкай сцэнічнай кампазіцыі, пластыкі, разам з кіраўніком робяць рэквізіт, працуюць над мастацкім афармленнем, стварэннем роставых лялек.

У 2017 годзе за значны ўклад у развіццё аматарскай мастацкай творчасці, папулярызацыю нацыянальных культурных традыцый, годны ўзровень і творчыя паказчыкі дзіцячаму тэатральнаму калектыву «Прэм'ера» прысвоена званне «ўзорны».

Тэатральны калектыў неаднаразова ўдзельнічаў у раённых і абласных аглядах-конкурсах і займаў прызавыя месцы ў розных намінацыях. Удзел у мерапрыемствах узнімае прэстыж калектыву, дае дзецям вялікі імпульс для творчага развіцця. Гледачы ўбачылі нямала цудоўных пастановак: лялечныя спектаклі «Коля-Калабок», «Жылі-былі», музычныя кампазіцыі «Што такое добра і што такое дрэнна», «Лісты з вайны, якія дапамагалі жыць» і іншыя.

У 2019 годзе на абласным свяце батлеечных пастановак і тэатраў лялек «Лялечны свет» (Сянно) тэатральны калектыў прадставіў вершаваную пастаноўку «Мая Радзіма» і лялечнае тэатралізаванае прадстаўленне «Як Пятрушку ў армію праводзілі» і быў узнагароджаны дыпломам «За лепшы лялечны акцёрскі ансамбль».

Кіраўнік калектыву – Міраненка Алена Валер'еўна.

ЛІТАРАТУРА

1. Духовіч, П. «Лялечны свет» / П. Духовіч // Герой працы (Шуміліна). – 2019. – 2 крас. – С. 5.

2. Шаўнёва, В. «Прэм'ера» ўдалася / В. Шаўнёва // Герой працы (Шуміліна). – 2018. – 2 лістап. – С. 7.