Калектыў узорны харэаграфічны «Крынічка». Віцебск, г., Руба, г. п.

Подробности

Створана 03.04.2023 15:07

Адноўлена 03.04.2023 15:07

Харэаграфічны калектыў «Крынічка» створаны ў 1995 годзе ў г. п. Руба пры Палацы культуры і тэхнікі ВА «Даламіт», з 2003 года дзейнічае пры Палацы культуры «Руба». У 2007 годзе прысвоена званне «ўзорны аматарскі калектыў».

Асноўная мэта дзейнасці – папулярызацыя харэаграфічнага мастацтва.

У рэпертуары беларускія народныя танцы («Закаблука», «Тапатуха», «Крупчанская кадрыль», «Бульбачкі»), рускія народныя танцы («Матрошкі», «Барыня», «Рускі перапляс»), венгерскі народны танец «Пантазоа», «Ірландскі танец», харэаграфічныя замалёўкі («Гарманіст Цімошка», «Вялікі карагод», «Матылькі і кветачкі», «Шумлівы саксафон», «Ваенны танец»), у тым ліку жартоўныя («Ясь», «Вясёлыя сараканожкі», «Жабянячы джаз»).

Калектыў – удзельнік раённага фестывалю дзіцячай творчасці «Крыніцы» (г. Гарадок), Міжнароднага фестывалю дзіцячага мастацтва «Царскасельскія сустрэчы» (Расія), Усерасійскага фальклорнага свята «Ягор'евы гульні», абласнога фестывалю нацыянальных культур «Нас з'яднала зямля Беларусі», аглядаў-конкурсаў у межах Усебеларускага фестывалю народнага мастацтва «Беларусь – мая песня», абласнога агляду-конкурсу харэаграфічных калектываў «Прыдзвінскія карункі».

ЛІТАРАТУРА

1. Гужвий, А. В песне – душа народная / А. Гужвий // Жыццё Прыдзвіння (Віцебск). – 2008. – 15 лістап. – С. 5.

2. Кліменка, І. А. Віцебскі ўзорны харэаграфічны калектыў «Крынічка» / І. А. Кліменка // Культура Беларусі : энцыклапедыя : [у 6 т.] / рэдкал.: Т. У. Бялова [і інш.]. – Мінск : БелЭн імя П. Броўкі, 2011. – Т. 2 : Б–Г. – С. 365.

3. Крупица, Н. Браво, «Крынічка»! / Н. Крупица // Віцьбічы = Витьбичи. – 2015. – 10 окт. – С. VI. – (Прил.: «Вечерний Витебск»).

4. Медведева, М. «Надежда» не дает стать одиноким / М. Медведева // Віцебскі рабочы. – 2009. – 1 сент. – С. 6.

5. Народный ансамбль танца «Крыніцы» Витебского производственного объединения «Доломит». – Минск : Полымя, 1987. – 1 разв. л.