Ансамбль народны народнай песні «Світанак». Віцебск, г., Руба, г. п.

Подробности

Створана 03.04.2023 15:16

Адноўлена 03.04.2023 15:16

Ансамбль народнай песні «Світанак» створаны ў 1986 годзе ў г. п. Руба пры Палацы культуры і тэхнікі ВА «Даламіт», з 2003 года дзейнічае пры Палацы культуры «Руба». У 1997 годзе прысвоена званне «народны аматарскі калектыў».

У рэпертуары беларускія народныя песні («А гармонік грае», «Ой, вішанька-чарэшанька», «Пайшлі дзеўкі на лужок», «Цячэ рэчанька», «А ў полі два дубочкі», «Добры вечар, госці», «Цячэ рэчанька каламутна», «Вечар цёмны», «Ой, зіма, зіма»).

Калектыў – лаўрэат і дыпламант Міжнароднага фестывалю песні і музыкі «Дняпроўскія галасы ў Дуброўне», Усерасійскага фестывалю народнай творчасці «Спяваю табе, зямля мая», абласнога фестывалю нацыянальных культур «Нас з'яднала зямля Беларусі», абласных і гарадскіх аглядаў-конкурсаў у межах Усебеларускага фестывалю народнага мастацтва «Беларусь – мая песня», удзельнік Міжнароднага фестывалю «Культура не ведае межаў» (Украіна, 1997) і іншых.

Кіраўнікі – Н. А. Няпомнішчая (з 1986), Г. В. Кастэнка (з 1991).

ЛІТАРАТУРА

1. Кліменка, І. А. Віцебскі народны ансамбль народнай песні «Світанак» / І. А. Кліменка // Культура Беларусі : энцыклапедыя : [у 6 т.] / рэдкал.: Т. У. Бялова [і інш.]. – Мінск : БелЭн імя П. Броўкі, 2011. – Т. 2 : Б–Г. – С. 340.