Ансамбль узорны дзіцячы танца «Ладачкі». Віцебск, г.

Подробности

Створана 04.04.2023 08:39

Адноўлена 04.04.2023 08:39

Віцебскі ўзорны дзіцячы ансамбль танца «Ладачкі» быў створаны ў 1964 годзе пры Доме культуры чыгуначнікаў (з 2006 года – культурна-спартыўны цэнтр УП «Віцебскае аддзяленне Беларускай чыгункі») як ансамбль народнага танца, з 2000 года – сучасная назва. У 2005 годзе ансамблю прысвоена званне «ўзорны аматарскі калектыў». Кіраўнікамі ансамбля былі: Л. А. Варанцова (з 1964), А. І. Казлова (з 2000).

У складзе ансамбля звыш 100 дзяцей і падлеткаў ва ўзросце ад 4 да 16 гадоў.

У рэпертуары калектыву каля 60 вакальна-харэаграфічных, эстрадна-харэаграфічных і сучасных танцавальных нумароў. Сярод іх: беларускія народныя танцы («Весялуха», «Касіў Ясь канюшыну», «Камарык»), сюжэтныя («Дожджык»), эстрадныя («Аранжавае сонейка»), харэаграфічныя кампазіцыі («Намаляваць мару», «Вяртайся», «Матрошкі») і іншыя.

Калектыў вядзе актыўную канцэртную дзейнасць, выступаючы на сцэне Дома культуры чыгуначнікаў, на пляцоўках горада, вобласці, рэспублікі. «Ладачкі» неаднакратна прымалі ўдзел у рэспубліканскіх фестывалях Беларускай чыгункі, у фестывалях і конкурсах самадзейнай народнай творчасці. Ансамбль – дыпламант фестываляў, прысвечаных юбілеям Беларускай чыгункі, дарожнага фестывалю народнай творчасці «Сузор'е талентаў», удзельнік Міжнароднага фестывалю творчасці моладзі (Франкфурт-на-Одэры, Германія), нацыянальнага тэлеконкурсу юных талентаў «Сузор'е надзей» і іншых.

ЛІТАРАТУРА

1. Кастэнка, С. Р. Віцебскі ўзорны дзіцячы ансамбль танца «Ладачкі» / С. Р. Кастэнка// Культура Беларусі : энцыклапедыя : [у 6 т.] / рэдкал.: Т. У. Бялова [і інш.]. – Мінск : БелЭн імя П. Броўкі, 2011. – Т. 2 : Б–Г. – С. 361–362.

2. Крупица, Н.«Ладушки» – моя любовь! / Н. Крупица // Віцьбічы = Витьбичи. – 2012. – 19 апр. – С. IV.– (Прил.: «Вечерний Витебск»).

3. Метла, А. Ладушки, ладушки, где были? / А. Метла // Витебский курьер. – 2005. – 4 нояб. – С. 1,3.

4. Сеньков, В. Большая семья «Ладушек» / В. Сеньков // Віцьбічы = Витьбичи. – 2004. – 9 окт. – С. 1–2.

5. Сидорович, О. Танцуют «Ладушки» – готовь ладошки / О. Сидорович // Железнодорожник Беларуси. – 2001. – 6 дек. – С. 3.

6. Сташкевич, Л. Дети солнца / Л. Сташкевич // Железнодорожник Белоруссии. – 2010. – 3 апр. – С. 13.