Ансамбль народны мужчынскі вакальны «Натхненне». Полацкі раён, г. Полацк

Подробности

Створана 01.07.2019 12:23

Адноўлена 01.07.2019 14:28

Вакальны ансамбль «Натхненне» Палаца культуры ААТ «Полацк-Шкловалакно» быў створаны ў пачатку лютага 1958 года. На той момант не было нават будынкаў Палаца культуры і інтэрнатаў завода. Маладыя хлопцы сабраліся разам, каб быць яшчэ больш карыснымі для роднага прадпрыемства. Першыя два гады ансамбль займаўся ў двух пакоях, якія выдзеліла кіраўніцтва завода. І толькі праз 16 гадоў ансамбль пачаў працаваць у будынку Палаца культуры.

Першым мастацкім кіраўніком народнага вакальнага мужчынскага ансамбля «Натхненне» быў ветэран працы ААТ «Полацк-Шкловалакно» Алім Мацвеевіч Конюхаў.

У 1968 годзе вакальнаму ансамблю было прысвоена званне народнага. На сённяшні момант у рэпертуары «Натхнення» – 40 кампазіцый, сярод якіх «Полька беларуская», «Седина в бороду» , «А ў полі тры крынічанькі» і шмат іншых.

Першы поспех прыйшоў да артыстаў ансамбля ўжо ў 1959 годзе – разам з перамогай ансамбля ў абласным аглядзе мастацкай самадзейнасці. У 1962 годзе вакальны ансамбль паспяхова выступіў на другой дэкадзе самадзейнага мастацтва БССР, дзе быў узнагароджаны дыпломам, а ў 1965 годзе стаў дыпламантам трэцяй Рэспубліканскай дэкады самадзейнага мастацтва. Спачатку, не маючы магчымасці даваць канцэрты на сваёй сцэне, салісты выступалі ў полацкім Доме афіцэраў, куды сцякалася вялізная колькасць гледачоў. Паспяхова гастралявалі ўдзельнікі ансамбля і ў Мінску, Маскве, Ліепаі, Ноўгарадзе, пабывалі з канцэртамі ў Германіі і Малдове, выступалі на тэлебачанні, запісваліся на беларускім радыё. Гастраліравалі разам з фалк-гуртом «Неруш» Беларускага дзяржаўнага ўніверсітэта, са знакамітым спеваком Якавам Навуменкам. Цесныя творчыя сувязі аб'ядноўваюць «Натхненне» с заводам «БелАз».

Кіраўнік ансамбля – Дзявятнікава Іна Браніславаўна.

ЛІТАРАТУРА

1. Алдохина, М. Мэтр художественной самодеятельности / М. Алдохина // Трудовая смена (Полоцк). – 2017. – 15 июля. – С. 2.

2. Народный мужкой вокальный ансамбль «Вдохновение» // Каталог профсоюзных и ведомственных любительских коллективов художественного творчества Республики Беларусь со званием «Заслуженный любительский коллектив Республики Беларусь» и наименованием «Народный» («Образцовый») : на 1 октября 2016 года / Федерация профсоюзов Беларуси. – Минск : Проф-Пресс, 2016. – С. 59.

3. Паўлава, А. Паўстагоддзя з натхненнем... / А. Паўлава // Полацкi веснiк. – 2008. – 29 студз. – С. 4.