Адзігітрыя, міжнародны праваслаўны маладзёжны фестываль. Віцебск, г.

Подробности

Створана 29.10.2021 15:18

Адноўлена 01.11.2021 10:43

Упершыню Міжнародны праваслаўны маладзёжны фестываль «Адзігітрыя» пачаўся 4 жніўня 2005 года ў Віцебску. Кожны год фестываль аб'ядноўвае праваслаўную моладзь брацкіх славянскіх народаў і збірае каля 130 удзельнікаў. Праводзіцца ў жніўні ў Віцебску і Віцебскім раёне па благаславенні архіепіскапа Віцебскага і Аршанскага Дзімітрыя і аб'ядноўвае выканаўцаў аўтарскай праваслаўнай песні з Беларусі, Расіі і Украіны. Фестываль праходзіць у рамках пагаднення аб супрацоўніцтве паміж Сінадальным аддзелам па справах моладзі Рускай Праваслаўнай Царквы і Сакратарыятам Савета Міжпарламенцкай асамблеі СНД.

Арганізатарамі фэсту з'яўляюцца аддзел па справах моладзі Віцебскай епархіі, Аляксандра-Неўская Лаўра г. Санкт-Пецярбурга і ўпраўленне культуры Віцебскага гарвыканкама.

Мэта фестывалю – аб'яднаць прадстаўнікоў праваслаўных маладзёжных рухаў, музычных калектываў, аўтараў-выканаўцаў, паэтаў, якія займаюцца духоўнай творчасцю, арганізаваць абмен вопытам паміж імі.

У фэсце прымаюць удзел дэлегацыі з Беларусі, Украіны і Расіі. Яны падзяляюцца на дзве ўзроставыя катэгорыі – ад 16 да 30 гадоў і ад 30 гадоў – і спаборнічаюць у розных намінацыях, такіх як «Аўтар-выканаўца», «Выканаўца» і «Аўтарскі калектыў», «Паэт», «Дуэт». Асноўная частка ўдзельнікаў – студэнты розных ВНУ, якія цікавяцца духоўнай музыкай і песнямі. З 2018 года фармат конкурсу некалькі змяніўся – з'явілася намінацыя для дзяцей 5–6 гадоў. Падчас фестывалю праходзяць сольныя канцэрты і выступленні членаў журы, пасяджэнні маладзёжных секцый, лекцыі і круглыя сталы, майстар-класы, маладзёжны баль і фаер-шоу і інш. Удзельнікі размяшчаюцца ў летнім праваслаўным лагеры «Дружба», які знаходзіцца недалёка ад в. Вароны Віцебскага раёна, за дзесяць кіламетраў ад Віцебска. Каля 150 выканаўцаў удзельнічаюць у конкурснай праграме, вынікі якой можна ўбачыць падчас выступлення на віцебскай плошчы Тысячагоддзя, а гала-канцэрты праходзяць у Летнім амфітэатры. Звычайна фестываль завяршаецца Хрэсным ходам з Беларусі ў Расію і з'яўляецца заключным этапам агульнага Хрэснага ходу, які сімвалізуе яднанне народаў. Традыцыйным з'яўляецца Хрэсны ход у Смаленск, дзе ладзяцца мерапрыемствы, прысвечаныя святкаванню Смаленскай іконы Божай Маці «Адзігітрыя».

Фестываль – царкоўнае мерапрыемства і яго значная падзея – Боскія літургіі. Кожны год у саборнай малітве прымаюць удзел госці і жыхары горада.

ЛІТАРАТУРА

1. Александрова, Е. Под покровом Путеводительницы / Е. Александрова // Народная газета. – 2011. – 25 жн. – С. IV.

2. Большакова, Е. Веры чистое дыхание / Е. Большакова // Народнае слова. – 2012. – 4 жн. – С. 5.

3. Бондарава, Т. Сяброўства мацуецца ў «Дружбе» / Т. Бондарава // Настаўніцкая газета. – 2013. – 8 жн. – С. 15.

4. Булавка, О. Многоголосие фестиваля / О. Булавка // Жыццё Прыдзвіння (Віцебск). – 2014. – 9 жн. – С. 5.

5. Дашкевич, В. «Одигитрия» в лицах / В. Дашкевич // Витебский проспект. – 2013. – 8 авг. – С. 5.

6. Захаров, А. От песни к духовному единству / А. Захаров // Віцьбічы = Витьбичи. – 2013. – 10 авг. – С. 8.

7. Камлёва, Н. Фестиваль, на котором царит любовь / Н. Камлёва // Витебские вести. – 2014. – 5 авг. – С. 1, 4.

8. Крупица, Н. «Одигитрия» в Витебске / Н. Крупица // Наше православие. – 2018. – № 8 (авг.). – С. 1.

9. Крупица, Н. «Одигитрия» объединяет / Н. Крупица // Віцьбічы = Витьбичи. – 2018. – 31 июля. – С. 1.

10. Крупица, Н. «Одигитрия». Наш общий путь / Н. Крупица // Віцьбічы = Витьбичи. – 2019. – 6 авг. – С. 7.

11. Крупица, Н. «Одигитрия». Общий путь / Н. Крупица // Віцьбічы = Витьбичи. – 2018. – 7 авг. – С. 1, 5.

12. Крупица, Н. Вдохновленные «Одигитрией» / Н. Крупица // Віцьбічы = Витьбичи. – 2017. – 5 авг. – С. 5.

13. Крупица, Н. Новые интонации «Одигитрии» / Н. Крупица // Віцьбічы = Витьбичи. – 2016. – 9 авг. – С. 1, 4.

14. Лобан, І. «Адзігітрыя» – васільковае неба славян / І. Лобан // Витебские вести. – 2013. – 3 авг. – С. 16.

15. Матвеев, А. В добрый путь, «Одигидрия»! / А. Матвеев // Наше православие. – 2015. – № 8 (авг.). – С. 1.

16. Олейникова, В. «Общий путь – Одигитрия» / В. Олейникова // Народнае слова. – 2005. – 30 ліп. – С. 4.

17. Пушнякова, А. Жизнь с Богом / А. Пушнякова // Витебские вести. – 2018. – 7 авг. – С. 6.

18. Пушнякова, А. Покорила «Молитва» / А. Пушнякова // Витебские вести. – 2017. – 8 авг. – С. 7.

19. Радзіхоўская, І. Духоўная размова пра вечнае / І. Радзіхоўская // Літаратура і мастацтва. – 2018. – 10 жн. – С. 2.