Віцебская сняжынка, міжнародны конкурс па спартыўных бальных танцах. Віцебск, г.
- Подробности
- Створана 29.10.2021 16:37
- Адноўлена 29.10.2021 16:38
Міжнародны конкурс па спартыўных бальных танцах «Віцебская сняжынка» – адзін з самых прэстыжных беларускіх турніраў па спартыўных бальных танцах. Яго гісторыя пачалася ў 1986 годзе, калі на сцэне Віцебскага педінстытута выступілі дуэты з Мінска, Віцебска і Мазыра. З кожным годам пашыралася геаграфія танцавальнага форуму, павялічвалася колькасць удзельнікаў розных узростаў, і конкурс атрымаў статус міжнароднага.
Рэйтынг «Віцебскай сняжынкі» значна павялічыўся, калі з'явілася права праводзіць турніры сусветнай класіфікацыі (IDSF OPEN) – адкрытыя спаборніцтвы пад эгідай Міжнароднай федэрацыі танцавальнага спорту (World Dance Sport Federation). Гэта значыць, што вынікі пар з катэгорый «моладзь» і «дарослыя» пойдуць у залік іх сусветнага рэйтынгу. Выразных правіл судзейства тут няма. Па 10-бальнай шкале ацэньваюць пачуццё рытму, тэмп, харэаграфію, выгібы цела, становішча ног, артыстызм і нават знешні выгляд.
Сёння «Віцебская сняжынка» прымае лепшыя танцавальныя пары, пераможцаў прэстыжных конкурсаў з-за мяжы. У спаборніцтвах удзельнічаюць прадстаўнікі ўсіх узроставых груп. Традыцыйна ўдзельнікі дэманструюць сваё майстэрства ў еўрапейскай і лацінаамерыканскай праграмах. Самыя юныя пары прадстаўляць на суд журы камбінаваныя праграмы (стандарт+лаціна). Еўрапейская праграма складаецца з павольнага вальса, танга, венскага вальса, павольнага факстрота і квікстэпа, а лацінаамерыканская – самбы, ча-ча-ча, румбы, пасадобля і джайва.
Арганізатарамі конкурсу выступаюць Сусветная федэрацыя танцавальнага спорту, Міністэрства спорту і турызму Рэспублікі Беларусь, Рэспубліканскае грамадскае аб'яднанне «Беларускі альянс танцавальнага спорту», грамадскае аб'яднанне «Віцебская абласная федэрацыя танцавальнага спорту», Цэнтр культуры «Віцебск» і грамадскае аб'яднанне «Клуб спартыўнага танца "Фэст"».
Асаблівасцю танцавальнага марафону ў 2019 годзе стала новая форма – міжнародныя спаборніцтвы сярод каманд. Склад каманды – 4 пары з катэгорый «моладзь» (16–18 гадоў) і «моладзь-2» (да 21 года), якія выступаюць у еўрапейскай і лацінаамерыканскай праграмах.
У 2021 годзе ў сувязі з рэканструкцыяй пастаяннай пляцоўкі «Віцебскай сняжынкі» – канцэртнай залы «Віцебск» – спаборніцтвы праходзілі ў спартыўнай зале сярэдняй школы № 46 г. Віцебска імя І. Х. Баграмяна.
    
|
ЛІТАРАТУРА
1. Большакова, Е. В волшебных ритмах «Витебской снежинки» / Е. Большакова // Народнае слова. – 2011. – 27 студз. – С. 2.
2. Дашкевич, В. «Витебская снежинка» в лицах / В. Дашкевич // Витебский проспект. – 2014. – 23 янв. – С. 9.
3. Конохов, Д. Блеск и грация / Д. Конохов // Віцьбічы = Витьбичи. – 2019. – 22 янв. – С. 1–2.
4. Конохов, Д. В вихре граций «Витебской снежинки» / Д. Конохов // Віцьбічы = Витьбичи. – 2020. – 21 янв. – С. 1.
5. Конохов, Д. В вихре красок / Д. Конохов // Віцьбічы = Витьбичи. – 2015. – 20 янв. – С. 1, 7.
6. Медведева, М. Мерцали в танце снежинки / М. Медведева // Віцебскі рабочы. – 2010. – 28 янв. – С. 3.
7. Метла, А. Феерия танца / А. Метла // Витебский курьер. – 2005. – 25 янв. – С. 1, 4.
8. Пастернак, Т. «Витебская снежинка» закружила венский вальс / Т. Пастернак // Народнае слова. – 2008. – 29 студз. – С. 5.
9. Пастернак, Т. «Витебская снежинка» кружила на паркете / Т. Пастернак // Витебские вести. – 2019. – 22 янв. – С. 1, 5.
10. Пастернак, Т. В ритме румбы и квикстета / Т. Пастернак // Витебские вести. – 2017. – 24 янв. – С. 4.
11. Пастернак, Т. Джайв по-витебски / Т. Пастернак // Витебские вести. – 2018. – 23 янв. – С. 8.
12. Плысов, В. В вихре венского вальса / В. Плысов // Віцьбічы = Витьбичи. – 2007. – 30 янв. – С. 8.
13. Плысов, В. Двадцать пять «Витебских снежинок» / В. Плысов, А. Вронский // Віцьбічы = Витьбичи. – 2010. – 28 янв. – С. 3.
14. Салаўёва, Т. 33-я «Віцебская сняжынка» / Т. Салаўёва // Культура. – 2008. – 16 лют. – С. 12.
15. Сеньков, В. Великолепие турнира / В. Сеньков // Віцьбічы = Витьбичи. – 2003. – 23 янв. – С. 4.
16. Соловьева, Т. Бал красоты и грации / Т. Соловьева // Витебский проспект. – 2010. – 28 янв. – С. 12.
17. Степаненко, О. Пленяющая магия движений / О. Степаненко // Витебские вести. – 2014. – 23 янв. – С. 1, 22.
18. Степанская, Т. «Витебская снежинка» в вихре джайва / Т. Степанская // Витебские вести. – 2016. – 26 янв. – С. 8.
