Менестрэль, фестываль гітарнай музыкі. Віцебск, г.

Подробности

Створана 01.11.2021 13:14

Адноўлена 01.11.2021 13:16

Афішы фестывалю «Менестрэль» упершыню ўбачылі свет у лютым 1992 года. Аўтар ідэі – Эдуард Чарніўчан.

Першапачаткова фестываль быў прысвечаны класічнай спадчыне і называўся «Камерны фестываль класічнай гітарнай музыкі». З 1994 года фестываль пашырыў свае межы і аматары гітары мелі магчымасць пачуць музыку таленавітых аранжыроўшчыкаў і кампазітараў-сучаснікаў, пазнаёміцца з гітарнымі школамі.

Гітара прадстаўлялася не толькі як сольны інструмент, яна гучала ў суправаджэнні сімфанічнага аркестра, у якасці акампанементу або ў дуэце з фартэпіяна, скрыпкай, флейтай.

Віцебскі фестываль гітарыстаў наведвалі рок-музыканты з Масквы – Іван Смірноў і Віктар Зінчук, вядомы расійскі кампазітар Мікіта Кошкін, амерыканскі гітарыст Курт Радармер. Пастаяннымі гасцямі былі вядомыя беларускія выканаўцы – Ян Скрыган, Наталля Ліпніцкая, ДзіДзюЛя і іншыя.

Адметнай рысай фестывалю «Менестрэль» з'яўлялася камернасць публічных канцэртаў – утульная абстаноўка невялікай залы (да 200 чалавек), столікі для гледачоў, свечкі. Сцэна і музыканты знаходзіліся ва ўмовах адзінай тэатральнай дэкарацыі ўсяго дзейства: «унутраны дворык радавога маёнтка», «вуліцы горада эпохі сярэдневякоўя». У кантэксце выступленняў выкарыстоўваліся спецыяльна створаныя слайд-фільмы, паэтычныя чытанні, выставы жывапісу.

Канцэрты праходзілі пры аншлагах. І з 1994 года ў праграме фестывалю быў прадугледжаны гала-канцэрт у вялікай зале культурна-дзелавога цэнтра (1100 чалавек). Праводзіўся заўсёды ў лютым, да 2008 года.

ЛІТАРАТУРА

1. Ивановский, Ю. Живой звук гитары / Ю. Ивановский // Віцебскі рабочы. – 2006. – 10 сак. – С. 16.

2. Кочетов, С. Камерный фестиваль гитарной музыки «Менестрель» / С. Кочетов // Витебский курьер. – 1998. – 4 марта. – С. 1.

3. Крупица, Н. Где ты был, «Менестрель»? / Н. Крупица // Віцьбічы = Витьбичи. – 2004. – 26 февр. – С. 5.

4. Крупица, Н. Романс о «Менестреле» / Н. Крупица // Віцьбічы = Витьбичи. – 2007. – 1 марта. – С. 5.

5. Пастернак, Т. Встречаем весну с «Менестрелем» / Т. Пастернак // Народнае слова. – 2008. – 23 лют. – С. 5.

6. Пастернак, Т. Лирический лад гитары / Т. Пастернак // Народнае слова. – 2005. – 10 сак. – С. 1.

7. Пастернак, Т. Накануне весны, традиционно / Т. Пастернак // Народнае слова. – 2007. – 27 лют. – С. 2.

8. Пастернак, Т. Три вечера с «Менестрелем» / Т. Пастернак // Народнае слова. – 2008. – 4 сак. – С. 5.

9. Пашкевич, С. Отзвенели «Менестрели» / С. Пашкевич // Витебский проспект. – 2008. – 6 сак. – С. 20.

10. Фестиваль гитарной музыки «Менестрель» // Витебская область : справочно-представительский альбом / редкол.: В. П. Андрейченко [и др.]. – Витебск : Витебская областная типография, 2005. – С. 62–63.