Ансамбль народны народной песні «На панадворку» Браслаўскі раён, г. Браслаў

Подробности

Створана 12.11.2018 12:23

Адноўлена 17.01.2019 10:27

 Народны ансамбль народной песні «На панадворку» добра ведаюць не толькі на Браслаўшчыне, але і далёка за яе межамі. Ансамбль быў заснаваны ў 1993 годзе, пры раённым Доме культуры, а ў 1995 годзе атрымаў званне «народны аматарскі калектыў».

Асноўнай мэтай дзейнасці ансамбля з'яўляецца прапаганда беларускай нацыянальнай культуры, папулярызацыя народнай песні, развіццё прафесіянальнага майстэрства ўдзельнікаў.

У ансамбля вельмі разнастайны і рознажанравы рэпертуар. У яго ўваходзяць песні беларускіх кампазітараў (Л. Захлеўнага, М. Грынеўскага, У. Карызны і інш.), мясцовых самадзейных аўтараў, апрацоўкі беларускіх народных песень.

Калектыў – лаўрэат і дыпламант шматлікіх фестываляў мастацкай самадзейнасці. Сярод іх: абласны фестываль фальклору (1995, г. Мёры), агляд-конкурс вакальна-харавых калектываў у межах усебеларускага фестывалю народнага мастацтва «Беларусь – мая песня» (1998, 2004, г. Віцебск), міжнароднае свята традыцыйнай культуры «Браслаўскія зарніцы» (штогод, г. Браслаў) і інш.

Сёння калектыў ансамбля «На панадворку» складаецца з 15 чалавек розных прафесій ва ўзросце ад 28 да 56 гадоў.

Нязменным кіраўніком ансамбля з'яўляецца Марына Сямёнаўна Шыркевіч.

ЛІТАРАТУРА

1. Клiшкоў, Д. Ганаровае званне «народны» / Д. Клішкоў // Браслаўская звязда. – 1997. – 15 лют. – С. 2.

2. Набеева, А. На кірмашы ў Даўгаўпілсе / А. Набеева // Браслаўская звязда. – 2017. – 6 снеж. – С. 5.

3. Палулех, З. Калі душа спявае... / З. Палулех // Браслаўская звязда. – 2007. – 28 сак. – С. 2.

4. Палулех, З. Улюбёныя ў песню / З. Палулех // Браслаўская звязда. – 2012. – 16 мая. – С. 2 ; 2013. – 22 чэрв. – С. 3.

5. Палулех, З. Якая песня без баяна / З. Палулех // Браслаўская звязда. – 2014. – 18 кастр. – С. 3.

6. Пашкевіч, Т. Шматгучнасць ансамбля «На панадворку» / Т. Пашкевіч // Витебские вести. – 2015. – 3 дек. – С. 23.

7. Шыркевіч, М. С. Браслаўскі народны ансамбль народнай песні «На панадворку» / М. С. Шыркевіч // Культура Беларусі : энцыклапедыя / рэдкал.: Т. У. Бялова [і інш.]. – Мінск : БелЭн імя П. Броўкі, 2011. – Т. 2 : Б–Г. – С. 30–31.

8. Шыркевіч, М. С. На панадворку ўсе сабраліся / М. С. Шыркевіч ; гутарыла А. Набеева // Браслаўская звязда. – 2016. – 17 жн. – С. 5.