Аркестр узорны дзіцячы духавы. Пастаўскі раён, г. Паставы

Подробности

Створана 12.11.2018 12:23

Адноўлена 28.02.2019 13:48

Дзіцячы духавы аркестр, як і барабаншчыцы, упрыгожвае самыя значныя культурна-масавыя мерапрыемствы і не толькі ў г. Паставы. Гэты дзіцячы музычны калектыў быў створаны ў 1993 г. таленавітым музыкантам Леанідам Косавым з ліку навучэнцаў былой Пастаўскай школы-інтэрната. У 1995 г. аркестр абараніў званне «ўзорны дзіцячы калектыў». Ярка і зладжана ў руках юных музыкантаў гучаць саксафоны, кларнеты, флейты, трамбоны, тубы, ударныя і іншыя інструменты. Яны выконваюць і складаныя класічныя творы, вальсы, маршы, джаз і інш. Зараз аркестр дзейнічае пры Пастаўскім дзяржаўным каледжы. Гэты дружны калектыў не раз станавіўся лаўрэатам розных конкурсаў і фестываляў, узнагароджаны дыпломамі 1 ступені ў намінацыі «Аркестр» па выніках абласных аглядаў-конкурсаў «Арт-вакацыі», які традыцыйна праводзіцца сярод прафесійна-тэхнічных і сярэдніх спецыяльных устаноў рэспублікі. Таксама ён стаў галоўным пераможцам абласнога свята-конкурсу духавой музыкі «Віват, аркестр!».

ЛІТАРАТУРА

1. Касаткіна, Ф. Дайце аркестру зялёную вуліцу / Ф. Касаткіна // Пастаўскі край. – 2013. – 4 мая. – С. 5.

2. Курыловіч, П. Гран-пры – у пастаўчан / П. Курыловіч // Пастаўскі край. – 2013. – 6 чэрв. – С. 7.

3. Курыловіч, П. Пад музыку аркестра духавога... / П. Курыловіч // Пастаўскі край. – 2008. – 6 чэрв. – С. 3.

4. Налей, Н. Адны з лепшых у рэгіёне / Н. Налей // Пастаўскі край. – 2018. – 18 ліп. – С. 1.

5. Образцовый детский духовой оркестр Поставского государственного колледжа // Культурная палитра Поставщины / авт.-сост. Л. Четович. – Поставы : Поставская типография, [20--?]. – С. 41.

6. Чэмер, М. Пастаўская пяшчотная мелодыя / М. Чэмер // Настаўніцкая газета. – 2017. – 28 студз. – С. 22.

7. Шапавалава, А. Захопленасць, памножаная на энтузіязм / А. Шапавалава // Пастаўскі край. – 2004. – 12 чэрв. – С. 3.

8. Шапавалава, А. Школа музыкі, старт у прафесію / А. Шапавалава // Пастаўскі край. – 2018. – 14 крас. – С. 5.