Ансамбль народны народнай песні «Крынічанька». Глыбоцкі раён, г. Глыбокае

Подробности

Створана 08.10.2019 12:23

Адноўлена 08.10.2019 09:13

Народны ансамбль народнай песні «Крынічанька» Глыбоцкага раённага Дома культуры створаны ў 1987 г., з 1990 г. мае званне народнага. Кіруе музычным калектывам Кацярына Глебкоўская.У рэпертуары ансамбля больш за 40 твораў. Гэта вясельныя, купальскія, жніўныя, калядныя, беларускія народныя песні, жарты, танцы Глыбоччыны, у т. л. «Ой, рана на Івана», «Цераз рэчаньку», «Ой, сівы конь бяжыць», «Каля кузні», «Па возеры», «Вясна-красна».

Калектыў пастаянна ўдзельнічае ў гарадскіх, раённых, абласных святах. Ансамбль удзельнічаў у мерапрыемствах 2-га Усесаюзнага фестывалю польскай песні, ва ўрачыстасцях у Віцебску, прысвечаных 60-годдзю з дня нараджэння У. Караткевіча, рэспубліканскім свяце, прысвечаным 500-годдзю з дня нараджэння Ф. Скарыны ў г. Полацку, даваў канцэрты ў латвійскіх гарадах Рыга, Даўгаўпілс, сродкі ад якіх былі пералічаны ў фонд Чарнобыля і інш. Пра творчасць ансамбля «Крынічанька» зняты дакументальны фільм.

ЛІТАРАТУРА

1. Ансамбль народнай песні «Крынічанька» // Памяць: гісторыка-дакументальная хроніка Глыбоцкага раёна / рэдкал.: Б. І. Сачанка [і інш.] ; мастак А. М. Хількевіч. – Мінск : БелЭн імя П. Броўкі, 1995. – С. 432.

2. Жыгуноў, А. Ягоным лёсам стала музыка / А. Жыгуноў // Веснiк Глыбоччыны. – 2008. – 23 студз. – С. 4.

3. Калантай, Т. Песні «Крынічанькі» плылі на «Пеўчым полі» / Т. Калантай // Веснік Глыбоччыны. – 2012. – 25 ліп. – С. 4.

4. Капшуль, А. «Крынічанька» радуе сваёй творчасцю / А. Капшуль // Веснік Глыбоччыны. – 2004. – 9 кастр. – С. 7.

5. Хайноўская, А. Верныя песням / А. Хайноўская // Веснік Глыбоччыны. – 2016. – 5 лістап. – С. 8.