Арцёменка Ганна Фёдараўна нарадзілася 3 снежня 1924 года ў в. Беляі Полацкага раёна ў сялянскай сям'і.

Пасля заканчэння сямігадовай школы ў в. Струнне паступіла ў Полацкае педвучылішча (ссылка на Полацкі каледж ВДУ імя П. М. Машэрава), дзе правучылася 1 год. У пачатку Вялікай Айчыннай вайны вярнулася ў родную вёску.

Працоўную дзейнасць пачала ў 1944 годзе эканамістам абласнога ўпраўлення сельскай гаспадаркі ў Полацку. 3 1950 года – вязальшчыца Віцебскай панчошна-трыкатажнай фабрыкі «КІМ».

У 1962 годзе ўступіла ў шэрагі КПСС, была абрана дэпутатам абласнога Савета народных дэпутатаў.

Званне Героя Сацыялістычнай Працы прысвоена за паспяховае выкананне заданняў 8-га пяцігадовага плана 5 красавіка 1971 года.

Узнагароджана ордэнамі Леніна, Працоўнага Чырвонага Сцяга, медалямі. Дэлегат XV з'езда прафсаюзаў СССР.

Памёрла Ганна Фёдараўна 31 ліпеня 2010 года.

ЛІТАРАТУРА

1. Арцёменка Ганна Фёдараўна // Памяць: Полацкі раён : гісторыка-дакументальныя хронікі гарадоў і раёнаў Беларусі / рэдкал.: І. Б. Каросцік, Р. І. Маслоўскі, А. Л. Петрашкевіч ; уклад. С. С. Чарняўская ; мастак Э. Э. Жакевіч. – Мінск : Вышэйшая школа, 1999. – С. 629.

2. Артеменко Анна Федоровна // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 200.

3. Артеменко Анна Федоровна // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 34.

4. Артёменко Анна Фёдоровна // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 22.

5. Гужва, Г. Кимовка / Г. Гужва // Знаменосцы трудовой славы / сост.: Г. С. Гужва [и др.] ; рец. Б. В. Стрельцов. – Минск : Беларусь, 1984. – С. 23–27.