Барашкін Дзмітрый Іванавіч нарадзіўся 1 верасня 1922 года ў в. Шавялі Лёзненскага раёна.

Працоўную дзейнасць пачаў у 1940 годзе ў г. Віцебск рабочым трэсту «Белпрамстрой».

Удзельнік партызанскага руху на тэрыторыі Беларусі ў гады Вялікай Айчыннай вайны. Ваяваў у атрадзе «Прагрэс» брыгады «Аляксея».

Пасля вызвалення Беларусі ад нямецка-фашысцкіх захопнікаў, з 1944 года працаваў на будаўніцтве Мінскага аўтамабільнага завода рознарабочым. З 1945 года – памочнік сталявара, у 1947–1972 гг. – сталявар. Пры ўдзеле Д. І. Барашкіна была ўдасканалена сталеплавільная печ, што дало магчымасць атрымліваць больш за 6 тон вадкага металу за адно плаўленне.

З 1972 года – рабочы, з 1979 года – слесар-сантэхнік жыллёва-камунальнага аддзела Мінскага аўтазавода.

За выдатныя заслугі ў развіцці аўтамабілебудавання, дасягненне высокіх вытворчых паказчыкаў і праяўленую працоўную доблесць Указам Прэзідыума Вярхоўнага Савета СССР Барашкіну Д. І. у 1966 годзе было прысвоена званне «Герой Сацыялістычнай Працы».

Дэпутат Вярхоўнага Савета БССР у 1955–1967 гг. Ганаровы грамадзянін горада Мінска (1968).

Узнагароджаны ордэнамі Леніна, Айчыннай вайны I ступені, Чырвонай Зоркі, медалем «Партызану Айчыннай вайны» II ступені і інш.

Памёр Дзмітрый Іванавіч 20 лютага 2004 года.

ЛІТАРАТУРА

1. Барашкін Дзмітрый Іванавіч // Памяць: гісторыка-дакументальная хроніка Лёзненскага раёна / рэдкал.: І. П. Шамякін [і інш.] ; мастак А. М. Хількевіч. – Мінск : БелЭн імя П. Броўкі, 1992. – С. 568.

2. Барашкин Дмитрий Иванович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн, 2010. – Т. 2 : Витебская область : в 2 кн. – Кн. 1. – С. 35.

3. Барашкин Дмитрий Иванович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 203.

4. Барашкин Дмитрий Иванович // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 40.

5. Наш славуты зямляк // Сцяг Перамогі (Лёзна). – 1979. – 9 кастр. – С. 2.

6. Савицкий, А. Сверяю жизнь по времени : повесть о сталеваре Минского автозавода Д. И. Барашкине / А. Савицкий. – Москва : Профиздат, 1971. – 207 с.