Быкава Надзея Паўлаўна нарадзілася 15 снежня 1922 года ў в. Цярэшкі.

Пасля заканчэння школы паступіла ў Полацкае педвучылішча. Але ўсё змяніла вайна. Калі ў вёску ўварваліся фашысты, Надзея Паўлаўна стала партызанскай разведчыцай. З 1 красавіка па верасень 1943 года была сувязной у партызанскай брыгадзе.

Пасля вызвалення Беларусі ад нямецка-фашысцкіх захопнікаў працавала ў бухгалтэрыі калгаса імя Кірава Верхнядзвінскага раёна.

У 1945–1949 гг. даярка калгаса імя Кірава Верхнядзвінскага раёна, 1949–1959 гг. – звеннявая па вырошчванні лёну, даярка калгаса «Серп і молат», з 1960 года звеннявая па вырошчванні лёну ў калгасе імя Кірава.

Указам Прэзідыума Вярхоўнага Савета СССР ад 30 жніўня 1966 года Быкавай Н. П. прысвоена званне Героя Сацыялістычнай працы за атрыманне ўстойлівых ураджаяў лёну і ўкараненне ў вытворчасць дасягненняў навукі і перадавога вопыту.

Узнагароджана ордэнамі Леніна, Айчыннай вайны II ступені, медалямі.

Памёрла Надзея Паўлаўна 16 верасня 2003 года.

ЛІТАРАТУРА

1. Быкава Надзея Паўлаўна // Памяць: Верхнядзвінскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: У. С. Богаў [і інш.] ; уклад. А. Ф Бубала ; мастак Э. Э. Жакевіч. – Мінск : Паліграфафармленне, 2000. – Кн. 2. – 233.

2. Быкова Надежда Павловна // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 113.

3. Быкова Надежда Павловна // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 211.

4. Быкова Надежда Павловна // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 57.

5. Зубрицкий, Э. Та самая земля / Э. Зубрицкий // Знаменосцы трудовой славы / сост.: Г. С. Гужва [и др] ; рец. Б. В. Стрельцов. – Минск : Беларусь, 1984. – С. 52–55.

6. Зубрыцкі, Э. Тая самая зямля : нарыс / Э. Зубрыцкі // Дзвінская праўда (Верхнядзвінск). – 1981. – 13 кастр. – С. 3.