Чарвякоў Яўген Трафімавіч нарадзіўся 24 студзеня 1925 года ў г. п. Шуміліна.

У першыя дні Вялікай Айчыннай вайны эвакуіраваны з Віцебска ў Арэнбург, дзе адразу ж паступіў у чыгуначнае вучылішча № 4, якое скончыў у снежні 1942 года, і працаваў памочнікам машыніста паравоза ў дэпо станцыі Арэнбург.

У 1943 годзе прызваны на ваенную службу і накіраваны ў асаблівы рэзерв паравознай калоны № 960, якая фарміравалася на Арэнбургскай чыгунцы для перавозкі ваенных грузаў да ліній фронту. У канцы снежня 1944 года загадам Дзяржаўнага камітэта абароны і Народнага камісарыята шляхоў зносін паравозную калону перадалі Омскай чыгунцы для аказання дапамогі па перамяшчэнні войск на Далёкі Усход.

У 1947 годзе вярнуўся у Віцебск. Скончыў школу машыністаў паравоза, школу машыністаў цеплавоза (1961).

З 1961 года працаваў машыністам паравоза, з 1965 г. – машыністам цеплавоза, у 1976–1991 гг. – машыністам-інструктарам у лакаматыўным дэпо станцыі Віцебск Беларускай чыгункі.

У 1976 годзе Указам Прэзідыума Вярхоўнага Савета СССР прысвоена званне «Герой Сацыялістычнай Працы».

У 1977–1981 гг. – член ЦК КПБ.

Узнагароджаны медалём «Серп і Молат», ордэнамі Леніна, Працоўнага Чырвонага Сцяга, Айчыннай вайны ІІ ступені, медалямі, а таксама знакамі «Ганаровы чыгуначнік», «Выдатны паравознік» і «Выдатны работнік Беларускай чыгункі».

Памёр 30 мая 2016 года.

ЛІТАРАТУРА

1. Буткевич, С. Наставник / С. Буткевич // Знаменосцы трудовой славы / сост.: Г. С. Гужва, В. Г. Скопа, Е. Я. Рыклин. – Минск : Беларусь, 1984. – С. 321–325.

2. Дроздова, Н. Есть только миг... / Н. Дроздова // Віцьбічы = Витьбичи. – 2015. – 30 апр. – С. 2.

3. Дроздова, Н. Но менять не любил я пути... / Н. Дроздова // Віцьбічы = Витьбичи. – 2010. – 24 июня. – С. VI.

4. Евгений Трофимович Червяков // Память: историко-документальная хроника Шумилинского района / редкол.: И. П. Шамякин [и др.] ; худож. А. Н. Хилькевич. – Минск : БелЭн им. П. Бровки, 1985. – С. 512.

5. Іванова, С. Чыгуначнік Чарвякоў / С. Іванова // Герой працы (Шумiлiна). – 2013. – 9 студз. – С. 4.

6. Камлёва, Н. С мечтой о мирном небе / Н. Камлёва // Витебские вести. – 2015. – 30 апр. – С. 3.

7. Кузьміч, Т. Пуцёўка на служэнне чыгунцы / Т. Кузьміч // Віцебскі рабочы. – 2013. – 2 сак. – С. 3.

8. Кузьміч, Т. Франтавая загартоўка / Т. Кузьміч // Звязда. – 2015. – 22 жн. – С. 5.

9. Кузьміч, Т. Чыгунцы аддадзена паўвека / Т. Кузьміч // Вiцебскі рабочы. – 2006. – 30 мая. – С. 2.

10. Медаль за бой, медаль за труд / подгот. В. Сеньков // Віцьбічы = Витьбичи. – 2016. – 23 янв. – С. 11.

11. Пиульский, Г. Характер железнодорожника / Г. Пиульский // Железнодорожник Белоруссии. – 2010. – 24 апр. – С. 14.

12. Червяков Евгений Трофимович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 2. – С. 586.

13. Червяков Евгений Трофимович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 315.

14. Червяков Евгений Трофимович // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 232.