Дзямешка Міхаіл Кузьміч нарадзіўся 20 красавіка 1928 года ў в. Вялічкаўцы Ушацкага раёна. Пасля службы ў Савецкай Арміі ў 1951–1973 гг. працаваў муляром у трэсце Полацксельбуд, брыгадзірам муляроў, майстрам. Ён быў арганізатарам пераходу на новыя, па тым часе, умовы работы – гаспадарчы разлік. Па ініцыятыве Міхаіла Кузьміча ў Полацкім БУ-42 упершыню пачалі весці цагельную кладку «двойкамі», чым значна павялічылі прадукцыйнасць і якасць працы. У 1965 годзе М. К. Дзямешка ўдастоены звання «Заслужаны будаўнік БССР».

А ў 1971 годзе за творчую актыўнасць, датэрміновае выкананне 8-й пяцігодкі Міхаілу Кузьмічу прысвоена званне «Герой Сацыялістычнай Працы».

Узнагароджаны ордэнамі Леніна, Працоўнага Чырвонага Сцяга (1958).

Памёр Міхаіл Кузьміч Дзямешка 28 жніўня 1976 года.

ЛІТАРАТУРА

1. Демешко Михаил Кузьмич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 356.

2. Демешко Михаил Кузьмич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 228.

3. Демешко Михаил Кузьмич // Твои сыновья, Беларусь! Кавалеры ордена Славы : биографический справочник / Б. Д. Долготович. – Минск : БелЭн імя П. Броўкі, 2014. – С. 82.

4. Дзямешка Міхаіл Кузьміч // Памяць: Ушацкі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў [і інш.] ; уклад. М. М. Кірпіч ; мастак Э. Э. Жакевіч. – Мінск : Белта, 2003. – С. 518.

5. Жарчанка, В. Зорка Героя / В. Жарчанка // Сцяг камунізма (Полацк). – 1971. – 22 мая. – С. 1.

6. Стодольник, И. Звездная весна / И. Стодольник // Сельское строительство Белоруссии. – 1971. – № 6. – С. 12–13.