Галубкова Ганна Арцёмаўна
Галубкова Ганна Арцёмаўна нарадзілася 28 верасня 1918 года ў Віцебску ў сям'і рабочага.
Атрымаўшы няпоўную сярэднюю адукацыю, рана пачала працоўную дзейнасць. Пасля заканчэння школы фабрычна-заводскага вучнёўства ў 1936 годзе пайшла працаваць закройшчыцай на абутковую фабрыку імя Г. Д. Лекерта.
Удзельніца партызанскага руху ў гады Вялікай Айчыннай вайны.
Пасля вайны зноў вярнулася на фабрыку: закройшчыца, кіраўнік камсамольска-маладзёжнай брыгады. Пад яе кіраўніцтвам брыгада дасягнула высокіх паказчыкаў прадукцыйнасці працы і эканоміі матэрыялаў.
Указам Прэзідыума Вярхоўнага Савета СССР ад 5 красавіка 1971 года за поспехі ў датэрміновым выкананні заданняў пяцігадовага плана і вялікі творчы ўклад у развіццё вытворчасці тканін, трыкатажу, абутку і іншай прадукцыі лёгкай прамысловасці Галубковай Ганне Арцёмаўне было прысвоена званне «Герой Сацыялістычнай Працы».
У 1974 годзе Ганна Арцёмаўна выйшла на заслужаны адпачынак. На пенсіі Ганна Арцёмаўна працягвала займацца грамадскай дзейнасцю, дапамагала моладзі ў авалоданні прафесійным майстэрствам.
Узнагароджана ордэнамі Леніна (2), «Знак Пашаны», медалямі, у тым ліку «За працоўную адзнаку». Ганаровы грамадзянін г. Віцебска. Адзначана Ганаровай граматай Вярхоўнага Савета Беларускай ССР, Ганаровай граматай Віцебскага абкама КП(б)Б і абласнога выканаўчага камітэта.
Памерла Ганна Арцёмаўна 29 жніўня 2003 года.
ЛІТАРАТУРА
1. Галубкова Ганна Арцёмаўна // Памяць: Віцебск : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. А. І. Мацяюн ; мастак Э. Э. Жакевіч. – Мінск : БелЭн, 2003. – Кн. 2. – С. 484.
2. Голубкова Анна Артемьевна // Почетные граждане белорусских городов : биографический справочник / Б. Д. Долготович. – Минск : Беларусь, 2008. – С. 56.
3. Голубкова Анна Артёмовна // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 324.
4. Голубкова Анна Артемовна // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 223.
5. Голубкова Анна Артемовна // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 74.
6. Марич, Л. Возвращение / Л. Марич // Знаменосцы трудовой славы / сост.: Г. С. Гужва [и др] ; рец. Б. В. Стрельцов. – Минск : Беларусь, 1984. – С. 70–73.
7. Хазанскі, У. Бестэрміновы пропуск / У. Хазанскі // Работніца і сялянка. – 1975. – № 8. – С. 21.
СПАСЫЛКІ
