Гарачка Зінаіда Дзмітрыеўна нарадзілася 11 чэрвеня 1931 года ў в. Высачаны Лёзненскага раёна.

Працоўную дзейнасць пачала ў 1948 годзе швачкай, з 1952 года – майстар швейнага ўчастка Мінскай абутковай фабрыкі імя Калініна (з 1963 года – галаўное прадпрыемства абутковага аб'яднання «Луч»).

У 1965 годзе Зінаіда Гарачка скончыла Мінскі тэхнікум лёгкай прамысловасці.

За поспехі ў выкананні планавых заданняў і дасягненне высокіх паказчыкаў па вытворчасці абутку Указам Прэзідыума Вярхоўнага Савета СССР ад 9 чэрвеня 1966 года Зінаідзе Дзмітрыеўне было прысвоена званне «Герой Сацыялістычнай Працы».

З 1971 года працавала намеснікам старшыні прафсаюзнага камітэта прадпрыемства. У 1981–1986 гг. – майстар, супрацоўнік музея навучальнага камбіната прафесіянальна-тэхнічнага вучылішча № 43 г. Мінска.

Узнагароджана ордэнам Леніна і медалем «За працоўную доблесць». На Алеі Славы ў г. п. Лёзна знаходзіцца стэла ў гонар З. Дз. Гарачкі.

У 1986 годзе Зінаіда Дзмітрыеўна выйшла на пенсію. Жыве ў Мінску.

ЛІТАРАТУРА

1. Гарачка Зінаіда Дзмітрыеўна // Памяць: гісторыка-дакументальная хроніка Лёзненскага раёна / рэдкал.: І. П. Шамякін [і інш.] ; мастак А. М. Хількевіч. – Мінск : БелЭн імя П. Броўкі, 1992. – С. 568.

2. Горячко Зинаида Дмитриевна // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн, 2010. – Т. 2 : Витебская область : в 2 кн. – Кн. 1. – С. 343.

3. Горячка Зинаида Дмитриевна // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 226.

4. Горячко Зинаида Дмитриевна // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 78.

5. Перепечина, Я. Зинаида Дмитриевна Горячко / Я. Перепечина // Сцяг Перамогi (Лёзна). – 2006. – 24 кастр. – С. 3.