Гарэцкая Ганна Савельеўна нарадзілася 7 ліпеня 1900 года ў в. Верацюгі Расонскага раёна.

3 1932 года – звеннявая па вырошчванні лёну ў калгасе «Расоны».

У гады Вялікай Айчыннай вайны – удзельнік партызанскага руху на Расоншчыне. У першыя пасляваенныя гады вырошчвала лён.

З 1950 года – намеснік старшыні, у 1951–1954 гг. – старшыня калгаса «Расоны».

У 1954–1965 гг. – звеннявая-льнавод.

У 1949 годзе за атрыманне высокага ўраджаю валакна лёну-даўгунцу Г. С. Гарэцкай прысвоена званне Героя Сацыялістычнай Працы з уручэннем залатога медаля «Серп і Молат».

У 1962 годзе прысвоена званне «Майстар – залатыя рукі».

Дэлегат сусветнага форуму прыхільнікаў міру.

У 1956–1960 гг. – член ЦК КПБ.

У 1947–1951 гг. – дэпутат Вярхоўнага Савета БССР.

Узнагароджана ордэнам Леніна, медалямі.

Імем Г. С. Гарэцкай названа адна з вуліц г. п. Расоны, вёска Карзунова, дзе яна жыла і працавала.

Памерла 6 снежня 1980 года.

ЛІТАРАТУРА

1. Гарэцкая Ганна Савельеўна // Памяць: гісторыка-дакументальная хроніка Расонскага раёна / рэдкал.: Б. І. Сачанка [і інш.] ; мастак А. М. Хількевіч. – Мінск : БелЭн імя П. Броўкі, 1994. – С. 531.

2. Головня, Л. Ровесница века / Л. Головня // Знаменоносцы трудовой славы / сост.: Г. С. Гужва [и др.] ; рец. Б. В. Стрельцов. – Мінск : Беларусь, 1984. – С. 78–81.

3. Горецкая Анна Савельевна // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 327.

4. Горецкая Анна Савельевна // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 225.

5. Горецкая Анна Савельевна // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 77.

6. Шаршнёў, Г. Равеснiца века / Г. Шаршнёў // Голас Расоншчыны. – 2000. – 14 лiп. –С. 1.