Голубеў Барыс Маркавіч нарадзіўся 15 мая 1928 года ў в. Матулёва Расонскага раёна.

3 1944 года – рознарабочы, з 1951 года – машыніст торфаўборачнай машыны, з 1974 года – машыніст па ўборцы фрэзернага торфу торфапрадпрыемства імя Арджанікідзе Смалявіцкага раёна Мінскай вобласці.

У 1948 годзе быў прызваны ў Армію.

У 1971 годзе за паспяховае выкананнне планаў 8-й пяцігодкі Указам Прэзідыума Вярхоўнага Савета СССР Голубеву Б. М. было прысвоена званне Героя Сацыялістычнай Працы.

Узнагароджаны залатым медалём «Серп і Молат», 2 ордэнамі Леніна, медалямі.

Народны дэпутат і член выканкама Смалявіцкага раённага Савета дэпутатаў.

Імем Б. М. Голубева названа вуліца ў г. Смалявічы.

Памёр 17 жніўня 1978 года.

ЛІТАРАТУРА

1. Голубев Борис Маркович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 323.

2. Голубев Борис Маркович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 222.

3. Голубев Борис Маркович // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 73.

4. Голубеў Барыс Маркавіч // Памяць: гісторыка-дакументальная хроніка Расонскага раёна / рэдкал.: Б. І. Сачанка [і інш.] ; мастак А. М. Хількевіч. – Мінск : БелЭн імя П. Броўкі, 1994. – С. 531.