Гусакоў Аркадзь Уласавіч нарадзіўся 14 жніўня 1918 года ў в. Ужляціна Шумілінскага раёна.

У гады Вялікай Айчыннай вайны з сакавіка 1943 па люты 1944 гг. – камандзір атрада «За перамогу» партызанскай брыгады імя Кароткіна, якая дзейнічала на тэрыторыі Шумілінскага раёна.

З 1944 года – на працы ў савецкіх органах у Шумілінскім, Любанскім, Клічаўскім, Слуцкім раёнах, з 1959 г. – старшыня калгаса імя Дзяржынскага Слуцкага раёна Мінскай вобласці. Вывеў гаспадарку з адстаючых у перадавыя.

У 1961 годзе скончыў Вышэйшую партыйную школу пры ЦК КПСС.

30 красавіка 1966 года Указам Прэзідыума Вярхоўнага Савета СССР прысвоена званне «Герой Сацыялістычнай Працы» за высокія паказчыкі ў вытворчасці лёну.

З 1967 года працаваў у Міністэрстве хлебапрадуктаў БССР, у 1971–1979 гг. – у сістэме гандлю БССР.

У 1963–1967 гг. – дэпутат Вярхоўнага Савета БССР, у 1966–1971 гг. – член Рэвізійнай камісіі КПБ.

Жыў у Мінску, памёр 7 верасня 1999 года.

Узнагароджаны залатым медалём «Серп і Молат», ордэнам Леніна, медалямі.

ЛІТАРАТУРА

1. Аркадий Власович Гусаков // Память: историко-документальная хроника Шумилинского района / редкол.: И. П. Шамякин [и др.] ; худож. А. Н. Хилькевич. – Минск : БелЭн им. П. Бровки, 1985. – С. 511–512.

2. Гусаков Аркадий Власович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 347–348.

3. Гусаков Аркадий Власович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 227.

4. Гусаков Аркадий Власович // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 80–81.

5. Гусакоў Аркадзь Уласавіч // Беларуская Савецкая Энцыклапедыя : у 12 т. / редкал.: П. У. Броўка [і інш.]. – Мінск, 1971. – Т. IV : Графіка–Зуйка. – С. 92.