Камінская Ірына Пятроўна нарадзілася 22 студзеня 1933 года ў в. Порплішча Докшыцкага раёна ў беднай сялянскай сям'і, дзе было дзевяць дзяцей. Сям'я была дружная і вельмі працавітая. Скончыла тры класы і пачалася Вялікая Айчынная вайна. Дзяўчынка дапамагала бацькам па гаспадарцы.

У 1949 годзе 16-гадовай дзяўчынка пайшла працаваць даяркай у саўгас «Сітцы». Чатыры разы яна была ўдзельніцай ВДНГ СССР, узнагароджана сярэбраным і трыма бронзавымі медалямі выставы. У 1961–1963 гг. – свінарка саўгаса «Порплішча» Докшыцкага раёна.

Званне Героя Сацыялістычнай працы прысвоена ў 1958 г. за поспехі ў павелічэнні вытворчасці сельскагаспадарчай прадукцыі, укараненне ў вытворчасць дасягненняў навукі і перадавога вопыту.

Трагічна загінула 4 лістапада 1963 года. Яе імя носяць піянерская дружына УА «Порплішчанская дзяржаўная агульнаадукацыйная школа» і вуліца ў роднай вёсцы Порплішча.

ЛІТАРАТУРА

1. Автух, Н. Вслед за мечтой / Н. Автух // Знаменосцы трудовой славы / сост. Г. С. Гужва, В. Г. Скопа, Е. Я. Рыклин. – Минск, 1984. – С. 123–126.

2. Камінская Ірына Пятроўна // Беларуская Савецкая Энцыклапедыя : у 12 т. / рэдкал.: П. У. Броўка [і інш.]. – Мінск, 1972. – Т. 5 : Зуйкі–Кішы. – С. 306.

3. Камінская Ірына Пятроўна // Памяць: Докшыцкі раён : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; уклад. А. В. Скараход ; мастак Э. Э. Жакевіч. – Мінск : БелЭн, 2004. – С. 602.

4. Каминская (Курец) Ирина Петровна // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 243.

5. Палачанін, Ф. А. Ірына Пятроўна Камінская (Курэц) // Докшыцкі край / Ф. А. Палачанін. – Мінск : Беларусь, 2009. – С. 43–44.