Клімчанка Яўген Іванавіч
Клімчанка Яўген Іванавіч нарадзіўся 5 сакавіка 1924 года ў в. Лагаўшчына Талачынскага раёна.
З 1941 года працаваў слесарам-інструментальшчыкам у Новасібірску.
Удзельнік Вялікай Айчыннай вайны. Быў курсантам школы авіямеханікаў, камандзірам аддзялення чыгуначных войск на Забайкальскім фронце і ў Забайкальскай ваеннай акрузе.
Пасля звальнення ў запас у 1949 годзе пачаў працаваць на Мінскім трактарным заводзе, які яшчэ будаваўся. Яму было даручана падрыхтаваць інструмент для вытворчасці будучай тэхнікі. Сваё майстэрства перадаў маладым рабочым і падрыхтаваў больш за 40 вучняў.
З 1944 года – член ВКП(б), а з 1976 года – член ЦК КПСС.
Званне Героя Сацыялістычнай Працы прысвоена ў 1966 годзе.
З'яўляўся дэпутатам Вярхоўнага Савета СССР у 1970–1974 гг.
У 1974 годзе прысвоена званне «Заслужаны работнік прамысловасці БССР», а ў 1978 годзе – званне «Заслужаны настаўнік рабочай моладзі БССР».
Памёр 22 лістапада 1989 года.
Узнагароджаны двума ордэнамі Леніна, ордэнам Кастрычніцкай рэвалюцыі, 11 медалямі, сярод якіх залаты медаль «Серп і Молат» Героя Сацыялістычнай Працы, сярэбраным і бронзавым медалямі ВДНГ СССР.
ЛІТАРАТУРА
1. Карніловіч, Э. А. Якасць сэрца чалавечага / Э. А. Карніловіч // Памяць: гісторыка-дакументальная хроніка Талачынскага раёна / рэдкал.: І. П. Шамякін [і інш.] ; мастак А. М. Хількевіч. – Мінск : БелЭн імя П. Броўкі, 1988. – С. 628–630.
2. Клімчанка Яўген Іванавіч // Беларуская Савецкая энцыклапедыя : у 12 т. / рэдкал.: П. У. Броўка [і інш.]. – Мінск, 1972. – Т. 6 : Кішынёў–Мінцэвічы. – С. 27.
3. Климченко Евгений Иванович // Моя Толочинщина: страницы истории / А. Шнейдер. – 2-е изд, с изм. – Минск : Бизнесофсет, 2006. – С. 125.
4. Климченко Евгений Иванович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 494.
5. Климченко Евгений Иванович // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 117.
6. Климченко Евгений Иванович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 253.
7. Шыманскі, М. Іду да вас, людзі / М. Шыманскі // Сузор'е : кніга нарысаў / уклад. А. М. Бяржынскі. – Мінск : Юнацтва, 1985. – С. 7–21.
СПАСЫЛКІ
