Кляцкоў Леанід Герасімавіч нарадзіўся 12 мая 1918 года ў в. Шыліна Шумілінскага раёна.

З 1935 года загадваў хатай-чытальняй Клётчынскага сельсавета, з 1938 г. – сакратар, старшыня Клётчынскага сельсавета, сакратар Сіроцінскага райвыканкама, з 1940 г. – першы сакратар Сіроцінскага райкама камсамола.

У 1941–1947 гг – у Чырвонай Арміі, удзельнік Вялікай Айчыннай вайны.

З 1947 года працаваў у апараце ЦК ЛКСМБ, з 1948 г. – першым сакратаром Маладзечанскага абкама камсамола, з 1952 г. – першым сакратаром Ашмянскага райкама партыі Гродзенскай вобласці.

У 1955 годзе скончыў Вышэйшую партыйную школу пры ЦК КПСС.

З 1960 года – загадчык аддзелам, сакратар Мінскага абкама КПБ, старшыня Камітэта партыйна-дзяржаўнага кантролю БССР, намеснік старшыні Мінскага аблвыканкама, з 1966 г. – загадчык аддзеламі ЦК КПБ, у 1972–1989 гг. – першы сакратар Гродзенскага абкама КПБ.

У 1976 годзе Указам Прэзідыума Вярхоўнага Савета СССР прысвоена званне «Герой Сацыялістычнай Працы» за поспехі ў выкананні планаў па павелічэнні вытворчасці і продажы дзяржаве сельскагаспадарчай прадукцыі.

Інспектар ЦК КПБ (1989–1991), дэпутат Вярхоўнага Савета СССР (1974–1984), дэпутат Вярхоўнага Савета БССР (1959–1963, 1967–1975).

Узнагароджаны медалём «Серп і Молат», ордэнамі Леніна (тройчы), Кастрычніцкай рэвалюцыі, Працоўнага Чырвонага Сцяга (тройчы), Айчыннай вайны І і ІІ ступеняў, Чырвонай Зоркі (двойчы), «Знак Пашаны» (двойчы), медалямі.

З 1991 года – на пенсіі. Памёр 14 ліпеня 1997 года. Яго імем названа вуліца ў г. Гродна.

ЛІТАРАТУРА

1. Клецков Леонид Герасимович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 249.

2. Клецков Леонид Герасимович // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 115.

3. Кляцкоў Леанід Герасімавіч // Беларуская Савецкая Энцыклапедыя : у 12 т. / редкал.: П. У. Броўка [і інш.]. – Мінск, 1972. – Т. VI : Кішынёў–Манцэвічы. – С. 35.

4. Козлов, И. Люди системы / И. Козлов // Беларуская думка.– 2017. – № 1. – С. 60–65.

5. Леонид Герасимович Клецков // Память: историко-документальная хроника Шумилинского района / редкол.: И. П. Шамякин [и др.] ; худож. А. Н. Хилькевич. – Минск : БелЭн им. П. Бровки, 1985. – С. 511.

6. Фалей, Е. С. Клецков Леонид Герасимович / Е. С. Фалей // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 489.