КРЭМЕНЬ АНАТОЛЬ СЦЯПАНАВІЧ нарадзіўся 8 сакавіка 1929 года ў в. Люблін Пухавіцкага раёна Мінскай вобласці.

Скончыў школу фабрычна-завадскога навучання як слесар па рамонце і мантажы будаўнічых машын і абсталявання, курсы экскаватаршчыкаў. У 1949 г. – курсы шафёраў.

Працаваў машыністам экскаватара ў Мінску, Гомелі, Барысаве, Оршы, Полацку. З 1953 па 1958 гг. – у Віцебску.

У 1958 г. прыбыў на будаўніцтва Наваполацкага нафтаперапрацоўчага завода і Полацкага хімкамбіната. Працаваў старшым машыністам экскаватара. У далейшым працаваў на пасадзе механіка ва ўпраўленні механізацыі № 141 трэста № 16 «Нафтастрой».

Дэпутат Вярхоўнага Савета БССР 6-га і 7-га скліканняў. Дэлегат XXIII з'езда КПСС.

За актыўны ўдзел у працы па будаўніцтве і датэрміновым пуску першай чаргі нафтаперапрацоўчага завода прысвоена званне «Герой Сацыялістычнай Працы» (1963); «Заслужаны будаўнік БССР».

Узнагароджаны ордэнам Працоўнага Чырвонага Сцяга і Леніна. У 2013 г. прысвоена званне «Ганаровы грамадзянін горада Наваполацка».

ЛІТАРАТУРА

1. Кремень Анатолий Степанович // Почетные граждане города Новополоцка / [сост. С. Б. Филиппенкова ; ред. совет: Н. М. Марченко, В. К. Мартыненко, М. В. Караваева]. – Новополоцк : ПГУ, 2015. – С. 34.

2. Кремень Анатолий Степанович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 258.

3. Малашеня, Л. Легенды рядом с нами / Л. Малашеня // Витебские вести. – 2016. – 30 апр. – С. 8.

4. Факеев, В. Герои на все времена / В. Факеев // Новополоцк сегодня. – 2017. – 3 нояб. – С. 13.