Крышталевіч Ульяна Феакцістаўна
Крышталевіч Ульяна Феакцістаўна нарадзілася 27 снежня 1923 года ў в. Зачарэўе Мёрскага раёна ў шматдзетнай сям'і.
Рана пачала працоўную дзейнасць, уладкавалася працаваць у Мёрскую пякарню. З пачаткам калектывізацыі сям'я Крышталевіч адна з першых уступіла ў мясцовы калгас «Чырвоная Зорка».
Удзельніца партызанскага руху ў гады Вялікай Айчыннай вайны.
З 1944 года на камсамольскай, савецкай, партыйнай і гаспадарчай рабоце ў Мёрскім, Браслаўскім і Пліскім раёнах.
У 1959–1967 гг. абіралася дэпутатам Вярхоўнага Савета БССР, у 1970–1974 гг. – Вярхоўнага Савета СССР.
Указам Прэзідыума Вярхоўнага Савета СССР ад 12 снежня 1973 года за вялікія поспехі, дасягнутыя ў сацыялістычным спаборніцтве, Крышталевіч Ульяне Феакцістаўне было прысвоена званне «Герой Сацыялістычнай Працы».
З 1974 года – намеснік Міністра сацыяльнага забеспячэння БССР (Мінск). У 1982 годзе Ульяна Феакцістаўна выйшла на заслужаны адпачынак. Але працягвала займацца актыўнай грамадскай дзейнасцю, доўгія гады ўзначальвала ў Мінску Фрунзенскі раённы савет Беларускай арганізацыі ветэранаў вайны і працы.
Узнагароджана ордэнамі Леніна, Кастрычніцкай рэвалюцыі, Працоўнага Чырвонага Сцяга, Айчыннай вайны II ступені, медалямі. Праца Ульяны Феакцістаўны адзначана ганаровымі граматамі Вярхоўнага Савета БССР.
Жыве ў г. Мінск.
ЛІТАРАТУРА
1. Кришталевич, У. Ф. Ульяна, обыкновенный человек / У. Ф. Кришталевич ; записала И. Гуринович // Советская Белоруссия. – 2004. – 12 нояб. – С. 12.
2. Кришталевич Ульяна Феоктистовна // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 6.
3. Кришталевич Ульяна Феоктистовна // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 132.
4. Крышталевіч Ульяна Феакцістаўна // Памяць: Міёрскі раён : гісторыка-дакументальныя хронікі гарадоў і раёнаў Беларусі / рэдкал.: Г. М. Маняк [і інш.] ; уклад. Л. А. Матэленак ; рэд. В. І. Марціновіч ; мастак Э. Э. Жакевіч. – Мінск : Беларуская навука, 1998. – С. 516.
5. Матэленак, Л. Яе сонца тут толькі ўзыходзіла / Л. Матэлёнак // Міёрскія навіны. – 2015. – 24 сак. – С. 5.
6. Якавенка, В. Ц. Пакуль сонца ў зеніце : аповесць у нарысах / В. Ц. Якавенка. – Мінск : Мастацкая літаратура, 1977. – 270 с. – (Рэспублiка. Час. Людзi).
7. Яковенко, В. Т. Приручение земли: о первом секретаре Докшицкого райкома партии У. Ф. Кришталевич / В. Т. Яковенко. – Москва : Политиздат, 1975. – 240 с. – (Повести о делах и людях партии).
СПАСЫЛКІ
