Манькоўскі Іван Васільевіч нарадзіўся 13 ліпеня 1913 года ў Оршы ў сям'і чыгуначнікаў. У 23 гады ўзначальваў Аршанскую дыстанцыю сувязі і быў адзіным сувязістам – транспартнікам, адным з першых савецкіх спецыялістаў на гэтай пасадзе, якія ўваходзілі ў Савет пры Наркамаце шляхоў зносін СССР.

У гады Вялікай Айчыннай вайны працаваў у кіраванні Калінінскай чыгуначнай дарогі. Увесь час знаходзіўся на галоўным камандным пункце, забяспечваючы ў самыя цяжкія гадзіны надзейную працу лініі сувязі. У ноч з 14 на 15 сакавіка 1943 г. загінуў на баявым пасту.

Званне Героя Сацыялістычнай Працы прысвоена 3.11.1943 г. пасмяротна. Узнагароджаны ордэнамі Леніна, «Знак Пашаны», медалямі.

ЛІТАРАТУРА

1. Маньковский Иван Васильевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 271.

2. Маньковский Иван Васильевич // Твои герои, Беларусь! Герои Социалистического Труда : биографический справочник / сост. И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 148.